Студија спроведена од Кинеската академија за кинеска медицина, користи огромна база на податоци за населението во САД, за попрецизно да ја утврди врската меѓу мускулната маса и депресијата.
Таа го користи периодот од 2011 до 2014 и од испитувањето ги исклучува сите под 18 години или со бременост.
Нивото на депресија се утврдува преку стандарден прашалник и се оценува на скала од 0 до 27, каде повисоката оценка означува полоша состојба. Лицата со оценка над 10 биле квалификувани како депресивни.
Со посебна методологија (рендгенска снимка и динамометар) се мери мускулната маса и силината на стисокот.
Студијата открива дека колку биле повисоки резултатите кај мускулната маса и стисокот, толку била пониска оценката за депресија. Отприлика на секои 5 килограми раст на силата на стисок, веројатноста од депресија се намалувала за 5,7%. Пациентите во топ 25% по сила на стисок имале 39,9% помала опасност од депресија отколку оние во најдолните 25%.
Нешто слично било и кај мускулната маса каде на секој 1 килограм раст на чист мускул, опасноста од депресија се намалувала за 5,5%. Разликата во ризикот од депресија меѓу топ 25% по мускулна маса и најслабиот квартал, изнесувала 44,1%.
Разликите и користа од вежбањето посебно биле нагласени кај лицата на возраст од 40 до 59 години.
