Белгискиот министер за здравство вели дека евтините електронски цигари се претвориле во закана за здравјето бидејќи тие се лесен начин за тинејџерите да бидат вовлечени во пушењето и да се навикнат на никотин. Со истата аргументација, со децениија оговараа марихуаната, како порта кон потешките дроги. Сега марата е ок.
По таа логика, треба и млекото да се забрани, бидејќи млекото ги навикнува младите на млеко и млечни производи (сирења, кашкавали, кајмаци...) а тие доаѓаат најчесто од крави кои произведуваат метан (од преден и заден испуст) кој е штетен за околината, климата и општочовечката благосостојба, дотаму што „Данска воведува данок на кравји прдеж“.
Назад кон веста:
„Електронските цигари често содржат никотин. Никотинот ве прави зависни од никотин. Никотинот е лош за вашето здравје. Факти.“, ни објасни ко на првачиња министерот Франк Ванденброук.
А бидејќи се за еднократна употреба, пластиката и батеријата се и товар за околината.
Ванденброук призна дека ги таргетирал електронските цигари за еднократна употреба, меѓу другото и затоа што тие често се алтернатива за оние кои се обидуваат да се откажат од пушењето.
Претходно Австралија забрани продажба на „вајп“ надвор од аптеките и тие ги имаат најстрогите ограничувања на оваа тема. За да дочекаат „тутунски банди да водат војни по Австралија“.
