Авторот на "The Science of Happily Ever After" објаснува дека во првата година од свадбата паровите во просек имаат околу 86% задоволство од бракот. До седмата година, ова паѓа на под 50%. Плус, општата статистика е дека 50% од брачните парови се разведуваат, 10-15% се разделуваат ама не бараат официјален развод, а уште 7% се во хронично несреќни бракови. Се на се, ова е над две третини од сите бракови.
"Зошто тогаш бракот е толку тежок на долг рок?
Една од главните причини е нешто што науката го нарекува 'привикнување.' Што е убав начин за да се каже дека сме си здосадиле.
На почеток, кога паровите можат да ги довршат своите реченици тоа изгледа романтично. Ама со тек на време 'предвидливоста' станува голем минус.
Роберт Грин, авторот на The Art of Seduction, објаснува дека изненадувањето е клучно за романтичните чувства:
Заведувањето вклучува одреден степен на изненадување, кој обично е првото нешто што исчезнува кога си во врска, и затоа повеќе нема заведување. Се' е познато и повеќе не си изненаден од другиот човек," пишува Ерик Баркер во The Week.
Тој предлага неколку работи што треба да се направат:
1. Учење од договорните бракови
Споредбата на бракови од љубов и од договор, покажала дека по 10 години, овие вториве се посреќни околу својата врска. Тајната е во тоа што луѓето во договорни бракови мора да работат а својата врска, тие не се потпираат на "магијата" и емоциите, туку мора да трошат време за да најдат начин како да успее бракот.
2. Не го поправај расипаното, работи на зголемување на она што е добро
Партнерот треба да се гледа како нешто што е купено, без опција за дополнување и замена. Истражувањата покажуваат две работи: прво, нема да успееш во обидите да го промениш партнерот, и второ, 69% од проблемите постојано се повторуваат.
Заради ова, советот е да почнат да се зголемуваат добрите работи, со што лошите би биле потиснати на што е можно помал сегмент од вашиот живот.
"Разводите се многу помалку поврзани со зголемувањето на конфликтите, отколку со падот на позитивните чувства меѓу двајцата."
3. Не треба романтика, треба возбуда
Насловот на третата точка се базира на истражување во кое 10 недели парови биле ангажирани во "пријатни" или "возбудливи" активности.
Ова до сега го немаме сфатено бидејќи луѓето се прилично лоши во процената на тоа од каде им доаѓаат чувствата: "Возбудата од кој било извор ќе биде поврзана со човекот со кој што си во тој момент, без разлика што тој не е причината за тоа."
4. Заклучок:
- Одржувањето на љубовта може да биде проблематично.
- Затоа треба активно да работиш на тоа.
- Ова значи дека е поважно да ги зголемуваш добрите работи, отколку да ги намалуваш лошите.
- А најдобар начин да се направи ова е преку зголемување на возбудата.
