Се гради Скопје на Коце, се гради и Лондон на Борис Џонсон. Гардијан реши да го почасти градоначалникот и архитектите со пар совет за оваа година. Некои од советите не одговараат за кај нас, некои одговараат многу, а за некои е доцна.

Римскиот Пантеон е изграден во 2-от век од нашата ера, и во основа е масивна бетонска зграда покриена со 43 метри висока купола, и како таков речиси 2000 години пркоси на се и сешто што се случува во Рим.

Френк Гери го сметаат за најславниот жив архитект на светот, ама го сметаат и за најлошиот жив архитект на светот. Нему многу многу не му е гајле за што го сметаат, само сака да го остават на раат.

Велосипедисти од Латвија еден ден на своите сограѓани ефектно им покажаа колку скромни барања имаат од градот и како би изгледало кога тие би зафаќале простор колку автомобилите.

Слика од белата внатрешност на центарот Хајдар Алиев (во Азербејџан) е прогласена за архитектонска фотографија на годината на Фестивалот на светска архитектура. Фотографираната зграда е дело на Заха Хадид.

Изграден во Каракас во 60-те и замислен е како "драјв-ин" трговски центар. Замислата се претвора во кошмар откако проектот се закачува на речиси секоја можна препрека по пат, па судбината му се движи од седиште на тајната полиција до дувло за нарко-трговија и проституција.

Нова зграда во Њујорк (од скапите) доаѓа со вкупно 10 подземни паркинг места, по цена за метар квадратен поскапа отколку метар квадратен во становите што ги продава. Се на се, 1 паркинг место = 1 милион долари.

Во случајов, велосипедска лента е една од лентите на булевар, која е сосема оградена од останатиот сообраќај со уште една заштитна лента. И по официјални њујоршки искуства сето ова функционира и има ќар по основа на (сечија) безбедност и брзина.

Има кули, водопади и толпа продавници, кои се простираат на површина два пати поголема од Ватикан, ова е најновиот и најголемиот трговски центар во Дубаи и во светот - The Mall of the World.

Доколку градот успее да го оствари својот план, до 2025-та година Во Хелсинки би требало да заживее системот 'мобилност на барање' кој целосно би ја укинал потребата на граѓаните да поседуваат автомобил.

Американски дизајнерски студија (за индустриски дизајн), се поврзаа со американски производители на велосипеди и изработија неколку концепти за следниот модел на урбан велосипед. Публиката со гласање требаше да избере кој модел ќе почне масовно да се произведува. Тие се решија за "Denny."

Пред некое време во Букбокс пишувавме за културната историја на лифтовите чие постоење е историската причина што нашите градови денес се шират не само во хоризонтала, туку и во вертикала. Сега еден нов вид „кревало" ги поместува границите на оваа технологија.

Кога пред некој месец загаденоста на воздухот во Париз достигна блесаво високо ниво, градот презема две радикални мерки - воведе пар - непар денови за возење автомобили и ги укина билетите за возење со јавниот превоз. Слично беше и во Скопје, кога загадувањето почна да поставува глобални рекорди.

Зградата е веќе изградена, и е предвидена за луѓе кои се подготвени да живеат во најмалите можни станови на светот. Микро-становите ќе почнат да се продаваат од 26-ти јули, (а покрај тоа како ви изгледа насловот) се меѓу подостапните домови на пазарот. Локација, едно од најнаселените места на светот - Хонгконг.

Таблите со упатства како функционира паркингот знаат да бидат збунувачки, и овде и во Америка. Таму некој се сетил како да го реши проблемот и да ги направи визуелно разбирливи, ние да се сетиме да копираме.

Предлогот е на бразилски архитекти и предвидува пренаменување на сите можни стадиони што останаа од првенството, во станбени згради.

"Телефонот не служи само за телефонирање. Зошто тогаш клупите да служат само за седење?" мудро размислува бостонскиот Коце Трајановски.

Редовната незаинтересираност за бездомниците месецов беше разбиена со фотографија од Лондон на која празниот простор пред еден влез беше пополнет со железни крампони, чија главна цел беше да го одврати секој бездомник што помислил да го запоседне ќошот.

Откако ураганот Сенди ги здроби Њујорк и Њу Џерси, Департманот за домување и урбан развој се зафати да работи како ова никогаш повеќе да не се повтори. Затоа што не знаеа како да го направат ова, тие објавија конкурс. Победија 6 компании. Само проектот за спас на Менхетен ќе добие 335 милиони долари.

Во пристојни земји пристоен човек не може да си дозволи јавно да ги искажува своите предрасуди и стереотипи. Тие можат да избијат евентуално во ситуации кога треба да донесе некоја брз одлука. На пример, во сообраќајот.

Рим е толку полн со автомобили што човек ни за пари не може да најде слободно паркинг место. Но, она што не може со пари, може со - повеќе пари.

Сан Франциско проблемот со мочање на јавни места го претвори во згодно решение. Или, како сред град можете да се олесните и со блажена фаца да си ја пеете: Градинарот цвеќето го расте.

Без разлика дали сакаат или не, сите вработените на маркетинг агенцијата The Barbarian Group мора да делат едно ултра големо супер-биро што ја зафаќа целата канцеларија. Имаат 125 вработени.

Благодарејќи на една жена на која доскорешниот градоначалник на Њујорк ѝ го довери градскиот транспорт, постојат видео снимки за драматично менување на изгледот на некои клучни њујоршки места. На подобро.