Холандските власти ја отфрлија тужбата на една црква против двајца актери фатени како снимаат порно во нивната исповедалница. Немало правна основа по која би се гонеле. Свештениците збунети од правниот систем и мислат дека има нешто труло во него штом до тука е дојдена работата. На следната миса побарале Господ да тргне по стапките на полицијата и да им прости на грешниците.

Новиот филм на Кристофер Нолан за битката кај Данкерк според УСА тудеј кинематографски е сосема во ред, ама човечки е крајно некоретен. Во филмот за една од најголемите битки на британската армија во Втората светска војна да ти немало жени и глумци што не се белци.

Реган шоу е нов документарец на тема Роналд Реган, но не за неговото претседателството, туку како Реган ја одглумил улогата на претседател и целиот апаратус за односи со јавноста што го ангажира за "внимателно кореографираниот лик да се пренесе и продаде на американскиот народ".

Американска невладина за права на лица со инвалидитет му се з'гна на Алек Болдвин што се осмелил да глуми слеп човек а сите знаеме дека не е слеп. Значи, многу се офтика.

Американските разузнавачки агенции влијаеле врз повеќе од 1.800 филмови и телевизиски серии, покажува анализа на двајца новинари на илјадници документи од американската војска и разузнавање добиени преку законот за слобода на информации.

Од тукашна перспектива 300.000 долари се пари и пари, од перспектива на "Џони Деп доби 35 милиони долари за 4-то продолжение на Пиратите" сумата наликува на бакшиш.

На само 18 години стана една од најсветлите ѕвезди на тогашната југословенска кинематографија но, за жал, подоцна се изгуби во темнината. На денешен ден во 1999 година, Давор Дујмовиќ се самоуби со бесење.

15 години Пиксар беше најдоброто студио за анимација на планетата. И после, Дизни го купи.

На општо неочекување Волт Дизни студиото направи масовен апдејт на распоредот на премиери на свои филмови што треба да се појават во кино до крајот на 2020.

Претседателот на Марвел студио, Кевин Фиџ, веќе ја наговести можноста за краен датум за сагата за најдоходовниот бренд филмски суперхерои, најверојатно не комплетно туку само како смена на генерации.

Претставници на Универзал потврдиле дека се разработува спиноф на Брзи и бесни, фокусиран на ликовите Двејн Џонсон и Џејсон Статам во филмот.

Одамна го немало со битна улога во голем филм а нему му е јасно зошто. Затоа што уверувањата и пријателствата имаат своја цена. Холивуд го држи кинескиот капитал а Ричард Гир е стар пријател со Далај Лама.

Доделувањето на Оскарите е едeн од највнимателно подготвуваните настани на денот, кога се внимава на детали кои не можете ни да ги замислите. Па сепак, колку да се потсетиме дека без разлика на напредната технологија, човечката грешка сè уште е озбилен фактор на оваа планета.  

Академијата за филмски науки и уметности ги објави 20 филмови кои се потенцијални кандидати за номинација за Оскар за најдобри визуелни ефекти во 2016 година, и тоа се следниве филмови.

Филмски критичар, и тоа на Њујорк Тајмс, напишал лоша рецензија за една нова серија, особено за логиката на нејзиното сценарио. За отпосле да сфати дека епизодите ги гледал по погрешен редослед.

Летото е периодот кога Холивуд ги прави премиерите на своите најголеми и најскапи проекти, од кои за возврат се очекува да донесат приходи во горните граници на 9-цифрените суми, а ако баш сè-сè тргне како што треба и да префрлат накај 10-цифрени. Годинава изгледа како да пресисаа.

Главното мајсторство е како да не ја преминеш границата, што во пракса би значело: "стави едно светло на погрешно место, и пасијата станува порнографија".

Бибиси анкетираше 177 филмски критичари, академици и куратори од 36 држави од секој континент (освен Антарктикот) за да ја состави меѓународната лита на 100 најдобри филма од почетокот на 21 век.

Стивен Кинг по чија книга е снимен филмот, за главната женска ролја замислувал блондинка - мажоретка. По плавото бил и Џек Николсон кој ја предлагал Џесика Ланг. Но, Стенли Кјубрик мислел поинаку и улогата на Венди ѝ ја дава на Шели Дувал. И тука започнува нејзиниот хорор.

Најважно е на денот на снимање да не се пие вода. А месеците пред тоа да се откостиш од вежбање.

Во 86-тата година од животот во непознат правец одјава Бад Спенсер, посилната половина од популарното филмско дуо од шпагети вестерните и акционите комедии од 70-тите години. Бад Спенсер зборуваше кратко а се тепаше уште пократко.

Откако по првиот викенд во кината низ САД заработија само 24 милиони долари, на филм што чинеше 160 милиони долари, чинот на колективно самозапалување на продуцентите на Воркрафт беше спречен благодарејќи на извештајот од кино-благајните во Кина - 156 милиони долари за еден викенд.

Уште на свои 15 години, како сценски работник во театар, Велимир Бата Живојиновиќ сфаќа дека е полесно да се глуми отколку да се носат талпи. Го засакува цела Југославија, цела Кина и цел Тито. Со леснотија успева да изигра преку 300 филма.

Филмот беше награден заради севкупната умешност, вештина и квалитет со кој е направен, одлики кои не му фалеа на ниту еден од останатите номинирани во категоријата. Разликата е што Спотлајт успеа да стане дел од дискусијата околу тековната истрага за сексуалното злоупотребување на деца од страна на католичкото свештенство и како црвката се обидува да го сокрие тоа.