Пристаништата ширум светот се во потрага по опасни материјали складирани кај нив, како наравоучение од инцидентот во бејрутското пристаниште од 4 август, кога во страшна експлозија на амониум нитрат загинаа 180 лица, 300.000 останаа без дом а била причинета материјална штета од околу 15 милијарди долари.
Во романското пристаниште Аѕиѕеја, само во еден магацин биле откриени 5.000 тони амониум нитрат; за споредба, во Бејрут експлодираа 2.750 тони.
Амониум нитратот генерално се смета за безбеден и се користи за вештачко ѓубриво во земјоделството, но истовремено е многу опасен и запалив материјал ако не се чува прописно. Бејрутската лекција не е прва; во експлозија на истото соединение во Тексас сити во 1947 година загинаа стотици луѓе.
Глобалната трговија со амониум нитрат тежи милијарди долари, се користи во многу земји а се произведува во малку, при што најголем производител е Русија.
Во 51 инспекциски надзор, романската полиција открила и конфискувала вкупно 9.000 тони непрописно сместен амониум нитрат и подигнати се неколку кривични пријави а само во пристаништето во Констанца има уште 28.000 тони.
Непрописно складиран амониум нитрат бил откриен и во пристаништа во Индија и во Дакар, Сенегал
