Во четвртокот Фолксваген објави дека го ангажирале адвокатот Кенет Фејнберг, да помогне во програмата за исплаќање отштета на возачите на "штелувани" дизел автомобили. Фејнберг е истиот човек кој го раководеше делењето отштета на жртвите од 11-ти септември и маратонот во Бостон.
Група Норвежани започнаа кампања за нивната држава да и даде цела една планина на Финска како подарок за 100-годишнината од независноста на нивниот сосед. Зошто баш планина? За и Финска да има барем една планина.
Главните вестите годинава беа масовно убиство, масовно убиство, масовно убиство, дали фустанот е син или бел, масовно убиство, геј права, геј не права, нов водител на Дејли шоу, масовно убиство, Ѕвездени војни.
За да не биде запаметена само по пораката до бегалците што ја објави по весниците низ арапскиот свет "Не доаѓајте тука", Данска одлучи да фати да работи со бегалците околу нивното сместување во земјата. Конкретно, како на влез во Данска да им го конфискува целиот накит на бегалците, како надомест за трошоците за сместување во земјата.
Аргументот е дека јадењето месо е апсурдно неефикасно и троши запрепастувачки количини на ресурси. Обработувањето на овие ресурси троши дополнително многу енергија, и целиот овој круг ослободува толку многу штетни гасови, што Земјата се топи кај што ќе стигне. Заради ова и О.Н. го препорачува вегетаријанството како еден од начините на кои може да и се помогне на планетава. Ок, ај сега полека малку.
Истражувачи анализираат како сликата од 4-годишниот Ајлан Курди го смени целиот начин на кој зборуваме за бегалската криза. Избрана е конкретно оваа слика затоа што во рок од 12 часа беше прикажана на 20 милиони екрани низ светот.
Најлошите работи кои следната година би можеле да му се случат на светот. Најлоши базирано на некакви издржани политички, економски и геостратешки процени, не Холивуд најлоши во форма на апокалипса, Годзила, Десептикони или Локи. Трамп како претседател останува сива зона меѓу Холивуд и реалноста.
Споменичниот блицкриг кој го доживеа Скопје последниве години, САД го имаа во првата половина од минатиот век. Денес таму е актуелна дебатата што после мермерот кој ја одразуваше тогашната но не и денешната Америка. Како и во што една држава денес да ги впишува вредостите и спомените кои сака да ги остави во колективната меморија?
На почетокот од годинава дрон кој носеше радиокактивен песок слета на покривот од канцеларијата на јапонскиот премиер. Не беше некој директен напад, туку повеќе стануваше збор за протест против политика на Јапонија за нуклеарна енергија.
Тарик Аџаџ е човек кој бегајќи од ИСИС и војната од Северен Ирак стигна до Финска. По неколку месеци таму, Тарик е доволно пишман што некогаш стапнал во земјата за да инсистира да го вратат назад.
По неколку години подготвување и две недели непрестајни преговори, меѓусебни компромиси и ценкања, судбината на целиот договор од Париз во саботата се сведе на еден единствен збор.
Во пакетот мерки што ИСИС ги воведува во секој град што ќе го освои регуларно доаѓа и забраната за алкохол и цигари. Забрана која е универзално омразена без разлика дали ја воведуваш во некое парче пустина или сред метропола. Уште една карактеристика на оваа забрана е што до сега никој во свет не успеал 100-процентно да ја спроведе, без разлика он што мисли.
Веста дека дури сега ќе дојде крајот на ИСИС, откако се згрешија и го изнервираа Ел Чапо (која оди по маалската логиката дека мексиканскиот картел некако е воено поподготвен од Русија или САД), која беше пренесена од Фокс, Њујорк Пост, Форбс и речиси се што индексираат македонските агрегатори, ниту е точна, ниту е вистинита, туку е чиста сатира, ако може да му се верува на човекот што ја напишал.
Текстот е напишан откако Марлон Џејмс ја добива Мaн Брукер наградата за неговата книга, на што претходеше Нобеловата за литература за Светлана Алексиевич, што се случи некое време откако беа објавени Мекартур стипендиите (или Гениј грантовите).
Две години откако Girls Gone Wild објавија банкрот, и во истата година кога Плејбој објави дека малку ќе ја смири својата содржина, Џери Спрингер наполни 25 години постојани блесаво високи рејтинзи.
Марк Закерберг и жена му ѝ пишаа писмо на нивната штотуку родена ќерка Макс дека ќе раздадат наоколу 99 посто од нивните акции во Фејсбук. Ние сувопарно ќе ви ги пренесеме фискалните аспекти на сторијата а за човечкиот момент, наш Дарко има еден преубав омаж на темата.
Откако Стоја го обивни својот колега и поранешен дечко дека ја силувал, уште неколку жени од индустријата се приклучија на обвинувањата против Џејмс Дин (James Deen не James Dean).
Официјалното име на конференцијата е "United Nations Framework Convention on Climate Change twenty-first session of the Conference of the Parties and the eleventh session of the Conference of the Parties serving as the meeting of the Parties to the Kyoto Protocol," наслов кој сосема оправдано ги заслужува сите 22.000 илјади официјални претставници кои ќе се соберат во Париз.
Едно од првите (анегдотални) решенија за проблемот со поплаките околу чекање во ред (во случајов пред лифт), доаѓа од 50-те од зграда од Менхетен, каде по сите инженерски обиди нешто да се направи, решението се сведува на поставување одгледала (по висина на цел ѕид) веднаш до лифтовите за луѓето да можат да се гледаат додека чекаат. По ова, поплаките речиси комплетно прекинуваат.
