Обединетите нации во предупредија дека само 17% од нивните 169 таргети за подобрување на животот на повеќе од 7 милијарди луѓе во светот се на пат да бидат исполнети до крајниот рок до 2030 година.
„Ова покажува дека светот добива неуспешна оценка“, заклучи генералниот секретар на ОН, Антонио Гутереш.
Пред 9 години светските лидери усвоија 17 широки развојни цели кои беа конкретизирани во 169 конкретни цели.
Речиси кај половина од таргетите има минимален или умерен напредок, но повеќе од една третина се во застој или уназадуваат. Само 17% се на пат да бидат реализирани.
„Нашиот неуспех да обезбедиме мир, да ги запреме климатските промени и да ги зајакнеме финансиските институции го кочи развојот“, вели Гутереш.
Во меѓувреме, како долгорочен ефект од пандемијата, дополнителни 23 милиони луѓе биле турнати во екстремна сиромаштија, а во 2022 година, над 100 милиони луѓе повеќе страдале од глад отколку во 2019 година.
Образованието стои лошо: само 58% од учениците ширум светот постигнале минимална умешност за читање до крајот на возраста за основно а неодамнешните тестирања откриваат значителен пад во резултатите од математиката и читањето во многу земји“.
И половата еднаквост стои лошо: една од пет девојки сè уште ја мажат пред да наполна 18 години, насилството врз жените продолжува, премногу жени немаат право да одлучуваат за своето сексуално и репродуктивно здравје - и според моменталните стапки, ќе бидат потребни 176 години за жените да постигнат еднаквост со мажите на раководни позиции.
Во добрите работи е ширењето на брзиот интернет кој сега е достапен за 95% од светската популација, за разлика од 78% во 2015 година а со големи 8,1% годишно, во последниве пет години се зголемува и глобалниот капацитет за производство на електрична енергија од обновливи
