На суд ги однесе швајцарскиот федерален институт за интелектуална сопственост кој стравувал дека религиозните потрошувачи би можеле да бидат навредени ако Јегермајстер - во превод: ловец мајстор - го користи истото лого надвор од досегашната употреба. А логото во последно време може да се види на широко портфолио производи, од телефони до козметика.
Швајцарскиот суд сепак застанал во одбрана на компанијата и решил дека досегашното, повеќедецениско а интензивно рекламирање на тоа лого покажало дека компанијата нема намера логото да го доведува во каква било религиозна конотација.
Инаку, логото на Јегемајстер е дизајнирано во чест на Свети Хуберт, светецот заштитник на ловџиите. Приказната вели дека по смртта на неговата сопруга, тој дигнал раце од црквата и верата и се посветил на пасионирано ловење, сè додека еден ден, со крст меѓу роговите на еден нанишанет елен, не му се јавил севишниот и со тоа му дал знак да го батали тој ќеиф и да се врати во прегратките на својата вера.
Во пијачката има 56 тревки, зачини и семки.
