Како што забележува Њујорк Тајмс, последниве неколку години иранската про-владина пропаганда почнува да го користи форматот на американските рап спотови за глорификација на домашната армија и патриотизам.
Се користат домашни музичари со „гангста“ репутација и обилно се користат компјутерски генерирани сцени, што резултира со скапи спотови привлечни за младата публика.
Уште едно видео (со наслов „Ќе пружиме отпор“) од лани кое чинело 250.000 долари и во кое откако Американците бомбардираат невини цивили, батаљон млади дечки со знамиња прават цунами кој ја потопува американската петта флота.
Во третиот пример, про-иранските борци во Сирија се затепуваат со ИСИС и нивното озглогласено црно знаме а во спотот е Хамид Замани, човекот кој ја создаде тамошната анти-империјалистичка химна “USA.”
Ако некој од американска перспектива се згади од ваквата милитантност на Иранците, тогаш е слеп за онаа во сопствената земја. Американскиот воен комплекс, заедно со своите маркетинг партнери и холивудски филмаџии сето тоа го прават уште поодамна и уште поскапо од Иран.
Класичен пример се НФЛ спектаклите кога надлетуваат воени авиони а униформирани лица маршираат носејќи го американското знаме.
Американската воена индустрија има инјектирано десетици милиони долари за патриотски слогани на спортски натпревари а познати се нивните врски со индустријата на видео игри и со филмскиот бизнис.
