Оваа кавга трае едно 50 години и тоа не само меѓу Египтолозите бидејќи темата лесно добива расна подлога. Некои тврдат дека славната египетска империја има суб-сахарско потекло, други тврдат дека тоа не е можно бидејќи историјата не забележува ниту една африканска империја (што не е точно) а некои се трудеа дури и да го докажат нордиското потекло на Тутанкамон.
Од научна гледна точка, прашањето не можеше да се реши поради проблеми со ДНК анализите на сочуваните мумии. Топлата египетска клима, влажноста во гробниците и хемикалиите употребени за мумифицирање на телата ја деградира ДНК-та и ги прави резултатите од анализите недоверливи. Но, група научници од институтот Макс Планк користејќи уникатни методи за стерилизација успеале да извршат ДНК секвенционирање.
И покрај тоа што стариот Египет бил освојуван од многу страни (изворот посебно го наведува Александар Македонски а посебно Грците, што ни прави ќеиф, не затоа што веруваме дека сме ние негови туку дека тој не е ни нивен), па сепак тоа не оставило големи траги бидејќи постои генетски континуитет во период од цели 1.300 години.
Главниот заклучок е дека луѓето од антички Египет се генетски најблиски со луѓето од Блискиот исток и со генетскиот материјал од Левантот (Турција, Сирија, Ирак, Израел, Јордан, Либан). Денешните Египќани делат 8% генетски идентитет со суб-сахарска Африка но тоа се промени од последните 1.500 години и се должат на зголемената трговија и општа фреквентност на врските со црниот континент.
А тоа на времето беше многу јак спот и во него единствен 'белец' беше Џексон:
