Властите во Руската Република Чеченија објавија забрана за музика која ја сметаат за пребрза или пребавна. Министерот за култура Муса Дадаев ја објави одлуката за ограничување на сите музички, вокални и кореографски композиции кои во иднина мора да се движат во темпо од 80 до 116 отчукувања во минута (BPM - beats per minute).
Дадаев рече дека одлуката за темпо меѓу 80 и 116 е договорена со шефот на републиката, Рамзан Ахматович Кадиров.
Директивата била мотивирана со желбата чеченските музички и танцови креации да се усогласат со „чеченскиот менталитет и музичкиот ритам“, со цел на народот и децата да им се пренесе културното наследство на чеченскиот народ.
Практично, ова значи дека во земјата ќе биде забранет многу од рок музиката, техно, електро и низа други музички жанрови кои обично одат над 120 БПМ.
Кадиров е на власт од 2007-ма година. Тој го задуши сепаратистичкото движење кое две децении се бореше за независност од Русија. Честопати е обвинуван за грубо кршење на човекови права, особено за малтретирање, затворање па и убивање ЛГБТ лица. На ваквите критики Кадиров знае да одговори дека во неговата земја не постојат хомосексуалци, а ако ги има, да дојдат и да ги земат.
Овде имате листа од „гранични“ песни, на максимално дозволените 116 БПМ.
Одиме со една „екстремна“ и „анти-чеченска“ 140-ка:
