Не постои агенција и држава на светот која знае толку многу за своите луѓе (а не па странци) како што знаат Фејсбук или Гугл, порачува некогашниот прв човек на британските разузнавачи задолжени за следење комуникации.

Во јавноста протекоа околу 2 часа снимано аудио во кое Марк Закерберг, налик почетокот на секој филм за подемот на масовен глобален култ, ги регрутира своите вработени за идната борба против критичарите, конкурентите, американската влада и што и да е останато што ќе му застане на пат.

Ако сакате интернетот да го заборави вашето минато, најдобро е да се преселикте во ЕУ. Таму Гугл мора да ги тргне непријатните линкови за вас ако тоа го побарате, на други места не.

ХБО Макс даде 1 милијарда долари за „Big bang theory“, Нетфликс годишно располага со по неколку македонски буџети што ги троши на содржини, слично е и со Амазон Прајм, а ништо послаби нема да бидат ни Дизни+ или Епл ТВ+. Единствена причина за ваквото баснословно трошење е ексклузивното поседување на содржините. Токму тоа е и проблемот.

Веб-страна која се води како „муслиманска он-лајн платформа за животен стил“ излезе дека тајно е финансирана од британското министерство за внатрешни работи. Тие знаат зошто.

Помалку грижа за времето што децата во текот на денот го трошат на социјални медиуми, а повеќе внимание на подолг сон за истите, е новата препорака за родителите.

Веризон се согласи да го продаде Тамблр на сопственикот на Вордпрес, компанијата Аутоматик, за сума која ако е точна веројатно е врвниот резил за Тамблр.

Бидејќи никој не сака да се случи масовно напнување на Германците, и покрај тоа што просекот на државно ниво им е околу 75 мегабити, се работи на воведување гигабитен интернет во целата земја.

На истиот тој што дреме на Јутјуб и гледа Фортнајт видеа по цел ден, пренесете му дека другарче негово од Пенсилванија само што собра 3 милиони долари за освојување на Фортнајт светското првенство.

На Фејсбук, Твитер и Јутјуб им е неопходно твоето внимание за да ги соберат твоите најинтимни податоци, кои потоа ќе ги продадат за што е можно повеќе реклами од што ќе да заработат што е можно повеќе пари. И тоа е кошмарно добро. Кошмарно за тебе, добро за нив.

Зак Џонсон е земјоделец од Минесота кој одгледува пченка и соја. На Јутјуб тој е МН Милениал фармер и од објавување видеа за земјоделство тој заработува повеќе пари отколку од самото земјоделство.

Жртвата на хакерскиот напад во случајов е руската компанија Сајтеч која работи на истражувачки проекти за ФСБ, а хакерите се од групата „0v1ru$“ кои успале да упаднат во актив-директори серверот на компанијата и од таму добиле пристап до целата нивна ИТ мрежа. Во упадот успеале да соберат 7,5 терабајти податоци.

Амазон се фаќа за небесното оро и им се придружува на SpaceX и OneWeb со барање за поставување неколку илјади сателити за брз интернет. Велат дека ќе можат да понудат услуга веќе кога првите 500 сателити ќе бидат на своите позиции.

Во процедура е закон по кој ќе биде легално приватни фирми и лица да пробуваат сами да се справат со оние кои им ги напаѓаат компјутерските системи. Колку и намерите да се добри, решението е многу глупа идеја.

Њујорк тајмс објави дека САД успеале да упаднат во руската енергетска мрежа и да постават малвер способен да го наруши нејзиното работење, кој ќе седи таму како мерка за одвраќање на Русија од сајбер-напади против САД. Во реакцијата Кремљ не изгледаше многу предомислен, туку порача дека дури и таква закана е поверојатно да донесе до војна отколку да ги пишмани.

Ветувањето на Питерсон е дека на платформата секој ќе има слобода да каже што сака и нема да биде баниран (освен ако американскиот суд не го побара тоа).

Првите обиди за упад се направени во 2012, на сред од мандатот на Обама, и нема докази дека во тоа време хакерите на американската влада успеале да изгасат некој дел од електричната мрежа. Со доаѓањето на Трамп стратегијата преминува во отворен напад во кој сајбер силите на САД успеале да вметнат свој малвер во електричната мрежа и во други мети, открива Њујорк тајмс.

Лоша вест: Инстаграм инфлуенсери одат во Чернобил за да се сликаат. Добра вест: Инстаграм инфлуенсери одат во Чернобил за да се сликаат.

Девојка со над 2.600.000 следбеници на Инстаграм се отвори пред публиката дека е разочарана од сите нив, откако во една кампања што ја терала на својот профил не успева да продаде ни 36 маички.

Во време кога Вегета знакот дотера до таму да биде толкуван како расистички симбол (па сега човек треба да пази и џоинт како пуши да не излезе дека е расист), троловите од расадникот на тролови 4чан решија да почнат со кампања за претворање на хаштагот во обележје на расистичкиот дел од Америка.

КросФит е популарна фитнес програма за вежбање и здрав живот. Го обвинија Фејсбук за промовирање утописки социјализам. Решија да ги напуштат Фејсбук и Инстаграм и да им ги плеснат причините за тоа кои долго им ги собираат. Многу легитимни причини, од Биг Брадер до цензура.

По повеќегодишен спор со пола Јужна Америка компанијата Амазон излезе како победник во битката за топ-левел домејнот .amazon. Барем за сега.

Ревизија на работата на Гугл њуз покажува дека агрегаторот на вести фаворизира многу мал број новински извори на сметка на сите останати.

Како што САД се подготвуваа да го казнат Фејсбук со 3 до 5 милијарди долари за нарушување на приватноста, така се рашири веста дека компанијата веќе има ставено на страна 3 до 5 милијарди долари наменети исклучиво за казната. Дел од размислувањата се дека уште една нула во казната многу ќе заврши работа, бидејќи сегашната сума ништо нема да смени.