Колку и да изгледа така, Eвровизија е далеку од „лесна забавна програма" - деталната анализа на настапите, гласањето и сојузништвата можат да ни кажат нешто за актуелната европска геостратешка ситуација. Еве ја анализата на Гардијан за оваа година, но само преку темите и стиховите на песните.

МоМА, како што веќе пишувавме, последниве неколку месеци води војна со уметничките критичари, кои замеруваат за (наводно) неквалитетната изложба посветена на ликот и делото на Бјорк, со што според нив оваа институција се става во служба на славните, а не на добрата уметност. Но МоМА не се откажува, и сега прави ретроспектива на уште една жена, чие име ретко кој го знаеше пред да стане Леноноица.

Meсо во форма на цветна пупка, којашто се отвара кога ќе ја ставите во жешка чорба? Телешко „предиво", кое може да се плете директно на вашата чинија и пржени крокети направени од месо на исчезнатата птица додо - сето ова се наоѓа на менито на Bistro in Vitro.

Во овие усрани времиња, убаво е да се знае дека изметот, освен за да пливаш во него или да го мачкаш по оние кои сакаш да ги оцрниш, може да служи за нешто убаво - за од него да направиш музеј, во којшто ќе ја славиш неговата корисност.

Вчера, 6.5, на стогодишнината од раѓањето на Орсон Велс, почна онлајн кампања за собирање средства за завршување на неговиот последен филм, „Другата страна на ветрот". Сниман 12 години, тој има многу интересна, автореферентна приказна, со пророчки моменти.

Еден од инцидентите на вчерашните протести се случил во читалната на библиотеката „Браќа Миладиновци", во која специјалци упаднале со зборовите - „не лажете, никој не учи во 11 ноќе". Логично - кој чита, тој крева револуции.

Една од најголемите балерини на 20 век, Плисецкаја, која почина на 2 мај на 89 години, беше меѓународна ѕвезда и руски културен емисар. Меѓу нејзините бројни пријателства со познати уметници, овековечено во слики останува она со Марк Шагал.

Научната фантастика е полна со имиња на непостоечки планети и вонземски видови. Но такви има и во поп-културата, често пати со сатирична конотација, доволно слични за да асоцираат на земјите и местата на коишто вистински се однесуваат, или барем неодоливо потсетуваат.

Од видеово извлековме две поуки. Прво, дека актерството е вештина којашто се учи од вистински мајстори, дури и од најмали нозе. И второ - дека Шекспир треба да се рецитира и по градинки.

И до сега сме пишувале за необични музички документарци, како оној за пионерот на електронската музика Вилијам Онјебор, како и за прото-панк бендот „Смрт" кој воскресна преку документарец сличен на оној за Шугармен. Сега нов филм ја документира историјата на живата музичка сцена во Камбоџа, пред Црвените кмери.

На овогодинешниот Кански фестивал, кој ќе се одржи од 13-24 мај, премиерно ќе се прикаже анимиран долгометражен филм направен според „Малиот принц" на Егзипери. Режисер - Марк Озборн, истиот од Кунг-фу панда.

Драмите на Бекет нудат можност за радикални експерименти. Една од нив, за којашто пишувавме по повод заминувањето на „музата" на Бекет, на сцената ја предвидуваше само осветлената уста на главната (и единствена) актерка. Но во нова продукција, на нешто што било замислено исклучиво како радио драма, целата сала ќе биде во мрак.

Овој викенд во Рокенрол халата на славните ќе бидат примени Грин деј, Лу Рид, Бил Витерс и Џоан Џет. За музичка исклучителност конечно ќе биде награден и Ринго Стар.

Сигурно ви се случило некоја серија да ве бендиса, па така при срце да ви прирасне и музиката од неа. Ама да почнете да гледате серија заради саундтракот, и така да се навлечете на содржината? Е, и тоа го има.

Добитникот на Нобелова за книжевност од 1999, писател, поет, драматург и скулптор препознатлив по неговите моржовски мустаќи и лулето, почина на 87-годишна возраст. Зад него останува значајно книжевно дело, но и живот, кој особено при крајот, беше обележан со контроверзи.

Можеби и не е најсреќен избор на верски празник да се објавува предлог-ревизија на десетте божји заповеди на озлогласен атеист, каков што беше Хиченс. Но за тоа има две добри причини. Прво, тој е роден на денешен ден во 1949, второ неговата листа не е контрадикторна на онаа којашто вообичаено се наведува како библиска, туку е само прилагодена на новите времиња.

Во време на софистицирана компјутерска анимација и заморни 3Д ефекти, убаво е да се потсетиме што може да се направи со една обична - линија.

Евергрин хумор, којшто не само што не застарува, туку станува и посмешен со годините. Можеби затоа што веќе малку работи нè засмејуваат онака како што тоа го прави витезот што вели „Ни!“.

Пред неколку дена Линч изјави дека нема да го режира продолжението на „Твин пикс", неговата култна серија, прикажана пред точно 25 години. Фановите реагираа со големо разочарување и со надеж дека финансиските недоразбирања меѓу него и продуцентот ќе се решат, а некогашната актерска екипа почна акција за негово враќање. Сепак, има и такви кои сметаат дека во оваа ретро-манија по серијата има и нешто необично, коешто треба да загрижува.

На 78-годишна возраст Филип Глас има доволно живот зад себе за неколку автобиографии. Неговата нова книга е токму тоа - мемоар на четиристотини и кусур страници, со спомени и интроспекции поврзани со неговата композиторска работа.

Родена како Елеанора Фаган на 7. април 1915, со прекар Lady Day, Холидеј има извршено огромно влијание врз џез и поп пејачите, но и врз историјата на музиката воопшто.

Летово конечно ќе излезе Dance Me This, снимен пред смртта на Запа во 1993, кој заокружува една баш фина бројка - стоти албум од Freak Out, снимен 1966.