Илон Маск (не без прашање) реши да спроведе генерална амнестија на банираните Твитер профили, а меѓу помилуваните е и поранешниот претседател на САД, Доналд Трамп. Ваквите потези наидоа на негодување кај елитите кои се плашат дека обичниот народ нема капацитет сам критички да ги свари вестите и информациите што ги добива.

Нови материјали обелоденуваат дека ФБИ, заедно со администрацијата на Обама и моќни фигури од естаблишментот на Вашингтон, се имаат намерачено да му го загорчат животот на Трамп уште кога беше само кандидат за станар на Белата куќа. Се сеќавате на фамозното „руско досие“? Ништо од тоа.

Ова видео е и ќе остане во историјата како клучен запис кој на идните генерации најсовршено ќе им го долови поразот на Трамп на изборите 2020 и како основите на теоријата на интерсекционалност им ги отворија очите на гласачите на Трамп од срцето на работничка Америка, да согледаат дека постојано се лажени од некогашниот претседател.

Не станува збор за библиотека со книги, туку со значајни документи поврзани со претседателскиот мандат. Американските претседатели оваа традиција, воспоставена во 1930-тите, ја сфаќаат сериозно и почнуваат да се подготвуваат многу порано пред заминувањето. Трамп, изгледа, беше затечен.

Поентата на текстот е поинаква, ама нам ни е крајно интересна врската помеѓу настап на политичар и број на пребарувања во речник. После настапите на нашиве единственото низ што ти иде да пребаруваш е шкафчето со апчиња за смирување.

Бидејќи со Трамп никогаш не си на чисто кога е сериозен а кога се чалами со твитови, на клучното прашање за светскиот мир во овој момент, колку САД навистина мислат да се ангажираат во Сирија, некои обриси на одговорот дава воениот буџет на Америка. Не е дека нема пари.  

Под водство на Трамп, популарноста и лидерскиот престиж на САД опаѓаат во целиот свет. Освен во спомнатите четири земји. Причините им се различни, тоест секоја од нив е башка будала.

Во сатиричната колумна која комичарот Енди Боровиц ја пишува за Њујоркер, „Боровиц рипорт“, тој ја дефинира главната линија на раздор помеѓу Трамп и неговата можна конкурентка во претседателските избори 2020 - тој мрази книги, таа има читачки клуб. И тоа би требало да е доволно за Американците кога следниот пат ќе гласаат.

Диверзитет, наука, доказ...Ова се само неколку примери на зборови кои се препорачува да не се користат во апликациите ако сакате да бидете финансирани од државата во областа на - да! - науката во 2018 во САД. 

Стигна сметката за мнозинската одлука на Обединетите Нации да го осуди американското признавање на Ерусалим за главен град на Израел. Администрацијата на Доналд Трамп најави драстично намалување на буџетот на ОН. 

Обвиненијата против шефот на кампањата на Доналд Трамп носат десетици години затвор. Не се директно поврзани со сомневањата на односите меѓу Трамп и Русите но ова е досега најблиското стегање на обрачот околу актуелниот претседател.

Биограф на Доналд Трамп раскажа како актуелниот американскиот претседател своевремено го убедувал како слика што ја поседува била прав, правцат Реноар. Скорешно видео интервју со првата дама на САД открива дека лажњакот уште им виси по дома.

Во својот говор пред Обединетите нации во вторникот Трамп се закани дека „целосно ќе ја уништи“ Северна Кореа доколку САД бидат присилени да ги бранат своите сојузници. Следеше бура реакции, од кои најживописните навреди на англиски дојдоа од неочекуван извор.

Луѓето кои се обидуваат да го надминат јазичниот јаз на значајни меѓународни средби на политичкиот врв служат не само како „обични“ преведувачи туку и како де факто дипломати.

Можете да замислите ситуација во која наши лингвисти, преку профил на Речникот на македонскиот јазик, на социјални мрежи ги корегираат политичарите низ поучни но и комични постови? Ни ние. Ама некои други лингвисти го искористија моментот за да поделат по некоја лекција.

35 угледни американски психијатри се собраа на конференција на универзитетот Јејл за да дигнат аларм дека менталното здравје на американскиот претседател може да биде опасно по земјата. Тие обично не даваат дијагнози пред лично да го проверат некого, ама викаат дека ова се гледа од авион.

Koга во 30 секунди во живо новинар три пати ќе нарече ракетна офанзива „убава“, тој си го бара. Кога притоа ќе искористи и стихови на Коен, е тогаш треба и да си го добие. 

Сите се колнат во НАТО, ама никој не сака да плаќа за него (слично важи и за ОН). Ама онаа будалетинка Трамп баш тоа ѝ го приредил на Ангела Меркел. Направил фактура колку Германија има заостанат долг кон алијансата и ѝ ја предал. А долгот е боли глава.

„Ама така пишуваше на интернет, професорке!“ - стандардното објаснување за некаква глупост во семинарските на генерациите растени онлајн барем за оние американските има антидот во форма на систем за проверка на вистинитоста на она што се цитира. Тој сега има и нов начин на датирање - пред, за време и (кој знае) по Трамп.

Не е за турско, туку за јако црно еспресо, кое треба да им помогне на новинарите кои известуваат од кабинетот на претседателот да останат будни и концентрирани во борбата за вистината. За некои од нашите може рачно цедалче за лимун ќе заврши повеќе работа. 

Доналд Трамп ветуваше дека ѕидот кон Мексико кој ќе ги спречи илегалните мигранти да влегуваат во САД ќе го гради не само брзо туку и од „постоечките средства кои стојат на располагање“. Сега открива дека на располагање му стојат само 20 милиони долари.

Старата изрека дека „времето лечи сè“ изгледа не важи за изборот на Трамп. Колку пати да го изговориме тоа фамозно „американскиот претседател Доналд Трамп“, тоа повторно ни звучи некако надреално. И барајќи ги причините за таквата реалност, луѓето на сешто ќе помислат, па и на порното. Но, почекајте, прераната ејакулација е проблем и во политичкото мислење.

Во последната епизода (10.2) од шоуто на Бил Маер имаше супер „панелисти“ - „папата на трешот“, режисерот Џон Вотерс, поранешната советничка на Обама Карин Жан-Пјер, водителот Пирс Морган и комичарот Џим Џеферис. Последниве двајца баш фино се испокараа. А ним потоа на Твитер им се придружи и авторката на „Хари Потер“.

Голем број Американци се за укинување на Обамакер, системот на здравствена заштита (осигурување) кој беше воведен од, нели, Обама. Голем дел од нив се за да си го задржат осигурувањето кое го имаат преку АЦА системот. Истите тие не знаат дека Обамакер и АЦА се иста работа.