За прв пат од почетокот на војната повеќе од три тони руско злато и биле испорачани на Швајцарија, што се толкува како сигнал дека на индустријата и пројдоа првичните праведнички дилеми околу руските скапоцени метали.

А бе кој да го знае дека вака ќе биде, е генералниот став на функционери од Белата куќа околу последиците што американската економија ги трпи од санкциите наметнати врз Русија.

Европски компании за бродски транспорт се предводници во „подбивање“ со европските санкции против Русија, успевајќи да ги дуплираат своите пратки со руска нафта од почетокот на инвазијата на Украина.

Ако Западот не најде начин да ја залечи економската болка низ која минува, единството околу санкциите полека ќе го снема.

Секој изминат ден од почетокот на годината во Русија (во просек) се влеваат по околу 800 милиони долари, и тоа е само од нафта и гас, без другите.

Процената на Вол стрит журнал е дека укинувањето на банкнотата од 100 долари ќе изврши поголем притисок врз Путин отколку сите санкции до сега заедно. Зошто? Затоа што секоја една пара што им е вишок на Русите, се чува во долари, конкретно во 100-ки.

Планот на ЕУ за нов пакет санкции на Русија ќе биде повлечен и преработен откако Европската комисија не успеа да ја убеди неколку членки да дадат поддршка.

Моментално рубљата има повисока вредност отколку пред руската инвазија на Украина, а Русија во исто време успеа да ги подмири и плаќањата поврзани со обврзниците во странска валута, пишува Економист.

Ветувањето на највисоките американски функционери е дека ќе продолжат да ја притискаат руската економија со санкции се додека таа не крахира, и тоа неспорно се случува. Проблемот е што крахот е неподносливо далеку, а може и да не се случи.

Процената на Ројтерс е дека потенцијалната забрана од Европа за купување енергенси ќе биде тешка за Русија, но ни од далеку погубна.

Паралелно со војната во Украина, Западот кај финансиите го отвори единствениот директен фронт против Русија и забрани извоз во земјата, голем корпорации си заминаа, а беа замрзнати околу 60% од девизните резерви на централната банка. Во рок од една недела вредноста на рубљата падна за 30% во однос на доларот, а акциите на руските компании колабираа.

Во трката да го притиснат рускиот претседател, САД, ЕУ и Британија почнаа со санкционирање руските олигарси и тоа по принцип секој по своја мерка. По ова половина од руските богаташи на денешен ден имаат исто санкции колку и пред да почне војната - нула.

Како што Западот почна да им запленува имот и да им наметнува санкции на руските олигарси, така се повеќе јахти и приватни авиони на истите овие олигарси почнаа да се појавуваат во Дубаи, најверојатно на подолго време.

Финска има ем долга поморска граница, ем долга граница со Русија, два фактори заради кои често пати на нејзините пристаништа знаат да се појават повеќе сомнителни јахти. Сега тоа веќе е проблем.

На списокот за „отстрел“ на американската влада од почеток бил еден од најпрепознатливите руски олигарси, Роман Абрамович, се додека Зеленски не му се јавил на Бајден тоа да се коригира, во име на мирот во Украина.

Сопственикот на Бургер кинг на светско ниво не може ништо да направи за да го повлече својот бренд од Русија, затоа што тамошниот партнер има многу добар договор.

Професор од Јеил води детален список на меѓународни компании и нивниот однос кон Русија по почетокот на војната. Иако стотици компании целосно или делумно излегоа од земјата, речиси 40-на глобални корпорации остануваат длабоко утврдени во земјата под санкции.

Во ретко срцепарателно интервју банкротиран руски олигарх се обидува на западните медиуми да им објасни дека руските милијардери главно немаат никакво влијание врз Путин, па со тоа тие за џабе ги јадат санкциите од Западот.

Не по сопствен избор ЕУ ќе успее да блокира само половина од резервите што ги има Централната банка на Русија, бидејќи другите им се недостапни. Слично е и со исклучувањето од СВИФТ кое ќе биде делумно.

По воведувањето санкции од Британија, САД и остатокот од Западот, новинарот на Космомолскаја правда  разгледува комплет од, како што тој ги нарекува, петте „пеколни“ санкции што според него Русија би можела да му ги наметне на Западот.

Во дополнително напнување во односните меѓу сојузниците што треба да му се спротивстават на Путин, германските политичари и бизнисмени го обвинија САД дека ги користат санкциите против Русија за засилување на сопствените интереси во Европа - континентот да купи што е можно повеќе гас и нафта од САД.

За комплетен успех на санкциите клучно е земјата што е под санкции да биде сиромашна со ресурси, технологија и образована работна сила, во спротивно, целиот план може да има контра-ефект. Ова е заедничко тврдење на професор од Универзитетот Саутемптон и професор од Ломоносов.

Од една страна комплетна идиотштина е да му ги запалиш сите залихи со храна на тркачкиот тим на БМВ затоа се увезени, а ти не дозволуваш увоз на храна од Запад. Од друга страна, не знаеме како би реагирал Западот ако тркачкиот тим на Лада со себе си понесе пола камион забранета храна.