Американската вселенска агенција имала ангажирано 24 теолози кои треба да проценат како светската популација ќе реагира ако се откријат вонземјани на некоја далечна планета. Значи немаат откриено, туку само превентивно, ако откријат вонземјани.

Вселенскиот телескоп Џејмс Веб можеби ќе треба да се преименува, откако до НАСА пристигнаа дојави дека човекот по кого тој го добил името, Џејмс Едвин Веб (1906-1992) бил вклучен во прогонување на припадници на ЛГБТ заедницата во текот на својата политичка кариера.

Во веројатно најфантастичната вест што некогаш се раширила меѓу човештвото, НАСА планира да стигне до астероидот 16 Псајхи, составен од злато и останати драгоцени метали, вреден 700 квинтилиони долари (седмица и 20 нули, 700.000.000.000.000.000.000,00).

Агенцијата објави дека ја отвора Меѓународната вселенска станица за комерцијален бизнис (и посети). За почеток понудите се без ол-инклузив.

Новото издание на НАСА - книга со фотографии - има 168 страници кои содржат прекрасни слики на Земјата од перспектива на сателитите кои кружат околу нашата планета.

Следната година НАСА ќе прослави 50 години од слетувањето на месечината, а нејзината соработка со уметници кои би придонеле кон едно такво одбележување е веќе започната.

Визуелизација која комбинира слики на површината на месечината со композицијата Clair de Lune (1905), неодамна изведена во живо на прославата по повод 60 години од постоењето на водечката истражувачка агенција за аеронаутика во светот.

Се изнајмува: функционална вселенска станица моментално во вселената, со простор за 8 луѓе и фантастичен поглед кон Земјата. Може да се користи како хотел, лабораторија или занимална без гравитација. Цена: 3 до 4 милијарди долари годишно.

Ова е оддалеченоста меѓу Земјата и Месечината. Од локална, перспектива далечината е незамислива (обемот на Земјата на екваторот е околу 40.000 километри), од перспектива на Космосот оваа далечина е нешто како должина на еднодневна брада кај човек. НАСА права фотка да ни долови како изгледа нашиот комшилук од надвор.

Односот меѓу човештвото и Марс се враќа на статусот од пред 2015, откако водата што НАСА тврдеше дека пред две години ја открила на Црвената планета излезе дека е само песок или прашина.

НАСА останува без најдрагоцениот елемент неопходен за идните вселенски мисии. Останува без гориво без кое не може да се добаци до тие планети кои се поџенем и од Брајчино. Пу, ама не јаз'к туку 238. 

Алекс Џонс, прототип за сеопфатна човечка мизерија, кој би да сее беда и мрак сè додека сите не почнат да се чувствуваат мизерно барем колку него, пред некое време во својата емисија имаше гости што тврдат дека НАСА на Марс има колонија со киднапирани деца робови. И сега НАСА ни крива ни должна, заради тинтрање на јавноста, губи време на демантирање.

Ревизијата на НАСА покажува дека на американската вселенска агенција не само што и снемуваат одела за мисиите, туку и дека во скоро време нема да може да набави нови.

Денес само се знае дека на Американците им успева да стапнат на Месечината пред Советите. Тоа што се избриша од знаење е масовната осуда и скептичност на јавноста, политичарите и Ајзенхауер околу целиот проект.

Уште еден филм во трка за овогодишниот Оскар (покрај „Хоксоу Риџ“ за кого пишувавме тука) е правен според вистинска приказна. Овој пат за Афро-американките кои помогнале во тоа САД да ја освои вселената. Насловот - Hidden Figures - може да се преведе и како „скриени цифри“ и како „скриени ликови“. Сепак се одлучивме за првото, заради математичката конотација.

Како по социјалните мрежи толку брзо и ефикасно се рашири гласината дека НАСА ги сменила зодијачките знаци и дека многумина сега се во нов знак? Исто како и во природните мрежи: треба да постои некое срање и доволно муви говнаруши тоа наоколу да го дистрибуираат.

Иако на прв поглед делува како една од оние налудничави теории на заговор, вистина е: НАСА објавува снимка од она што го слушнале астронаутите од Аполо 10, снимка која се држела во тајност цели 40 години. 

Ниту имате план, ниту имате пари за стигање до Марс, и двете треба под итно да ги средите или откажете се од намерата, е пораката до НАСА од комисијата на претставничкиот дом на САД за наука, вселена и технологија.

НАСА соопшти дека формирала ново работно тело кој ќе каже што да се прави ако некој астероид (од оние кои ги истребија диносаурусите) оди накај нас. Интересно е кога ќе сфатиш дека до вчера немале нешто такво.

Британски астронаут ѝ се извини на жената на кој ѝ се јавил на телефон и ја прашал дали е тоа планетата Земја. Грешка било. Не планетата, бројот..