Кинеските власти баш и не можат директно да возвратат на заканите на Трамп дека ќе воведе тарифи на дополнителни 200 милијарди долари производи увезени од Кина, од проста причина што Кина годишно од САД увезува производи во вредност од максимум 130 милијарди долари.

Како што успешно ја заврши кампањата за брегзит, така Борис Џонсон беше назначен за министер за надворешни работи во новата британска Влада која требаше заеднички да ја носи државата низ преговорите за напуштање на ЕУ. Таму продолжи во истиот стил од времето кога беше градоначалник на Лондон, овозможувајќи и на Тереза Меј десетина пенали за без никакво двоумење да му даде отказ. На крај се случи обратното, Џонсон во знак на притисок врз Меј ја напушти британската влада.

Уште непочнат работниот дел од состанокот, во она уводно парче во кое новинарските екипи имаат пар минути да фатат фотографии и видео снимки додека главните играчи главно разменуваат куротазни погледи и пораки, Трамп реши на Столтенберг јавно да му плесне пар факти за тоа кој е под руско влијание.

Членките не уплаќаат членарина, Турција купува руски С-400 а некои овдешни будалетинки ја убедуваат својата лумпен публика дека ние сме биле главна ѕвезда на самиот на НАТО. Тејк ит изи.

Есента ни беше на гости на Скопскиот џез фестивал. Сега објавува нов албум под наслов „Песни на отпорот 1942-2018“. На една од нив му гостува и долгогодишниот соработник, Том Вејтс.

Светската здравствена организација и нејзините делегати од стотина земји биле подготвени брзо и без проблеми да обноват резолуција за важноста на мајчиното млеко. И потоа наишле на делегацијата на САД која на некои земји им ставила до знаење дека мајчино млеко ќе проплачат ако не се пишманат. 

Наведувајќи со што сè ЕУ моментално се справува, и нејзината неспособност да постигне „голем договор“ кој ќе ги опфати клучните проблеми, професорот од Принстон по Историја и меѓународни работи, Харолд Џејмс, објаснува дека главниот проблем е сложеноста на ЕУ која речиси не е опремена да функционира во времиња на хаос како денешниве.

Саудиска Арабија, Јордан и Палестина, секој во одделни прилики, го предупредиле Израел околу зголеменото влијание на Турција во Источен Ерусалим, наведува израелскиот весник Хаарец.

На Доналд Трамп му доаѓа убаво кој било од Холивуд да го пофали, не па еден од култните фигури на филмската уметност. Дејвид Линч во актуелниот претседател гледа потенцијал да стане еден од најголемите претседатели кои САД воопшто ги имале. Оние што се ежат на Трамп викаат дека ваквата изјава на Линч му ја разбираат колку што му ги разбираат филмовите.

Тоа што по изборот на Ердоган ќе се истуриш од навреди за турскиот електорат нема да го донесе посакуваниот ефект. Вината е кај демократските институции, пишува колумнистот на Гардијан, Сајмон Џенкинс.

Една од стратегиите што веќе се разгледува од најбогатите држави на светот е наместо да си вадат очи со САД откако Трамп почна да се расфрла со тарифи, директно да удрат по личните компании и бизнис интереси на американскиот претседател.

Во моментот кога Трамп најавува нови царински давачки за производите од Канада, уредникот и сопственик на Џексон каунти сентинел и на уште девет други локални весници, знае дека цената на хартијата за печатење повторно ќе скокне. Во изминатите неколку месеци таа расте од 550 на 800 долари.

Главната тема на претпоследната епизода од „Минатата недела, вечерва“ беше кинескиот претседател Кси Џинпинг и таа беше разработена како што Џон Оливер тоа стандардно го прави: горе-долу хумор, горе-долу факти и задолжително да се вмеша Трамп. Неделава секое споменување на Џон Оливер е избришано од најголемата социјална мрежа во Кина, Веибо.

Начинот на кој медиумите известуваат за Трамп најдиректно е во корист на Трамп бидејќи „му помагаат преку повторување на неговата порака,“ тврди американски когнитивен научник и лингвист кој изучува пропаганда, и дава решение на проблемот.

Група американски новинари беа примени на тура низ најголемиот центар на американската гранична контрола за обработка на приведени нелегални мигранти, во кој се одвиваат најголемиот дел од случаите на разделување на нелегалните мигранти од нивните деца.

Откако првоборците на Кембриџ аналитика уште пред некој месец глатко се префрлија во друга компанија што ја основаа минатата година, сега и остатокот од поставата се снајде за идни ангажмани.

Неговите се од Гватемала. Се преселиле во Мексико додека Ирвинг уште бил во стомакот на мајка му а во земјата каде што се родил единствена шанса за успех му била да го прави тоа што најдобро го знае.

Откако Трамп и Ким Јонг Ун во Сингапур го прават незамисливото и се сретнуваат и ракуваат, во Канада се среќаваат Г7, а Кина, Русија, Иран, Индија и Пакистан се среќаваат во Кингдао, градот на истокот од Кина, во колумна во француски Лес Еко се порачува: „Како центарот на светот да се префрлил од Западот на Истокот, и како Европа да не е ништо повеќе отколку периферен полуостров на Азија, меѓу Медитеранот и Атлантикот.“

Одлуката на Трамп да воведе нови давачки за кинески призводи вредни 50 милијарди долари, беше дочекана со идентична одлука на кинеската влада, и нешто поговорки од кинеските медиуми.

Човекот речиси сè прави погрешно. Ама минатиот викенд направи нешто како што треба, на ужасување на лидерите на богатиот свет, тој ја одбрани демократијата од нејзините злонамерници. Можеби предвидливо, тој беше универзално осуден за тоа, пишува Џорџ Монбио во својата колумна за Гардијан.

На маргините од средбата за која зборува целиот свет се огласи и Денис Родман, другарот на Ким Јонг-Ун кој за СиЕнЕн кажа дека цела Америка го напаѓала поради блискоста со лидерот на Северна Кореја но на крајот тој испаднал во право.

Фотографијата по која ќе се памти последниот Г7 самит е сцена која речиси е невозможно да ја наместиш, а во која Трамп наликува карано на мало дете. Само еден кадар подоцна целата приказна се менува.

ЕУ е моментално најслабата светска сила и е толку слабо подготвена за предизвиците кои ја очекуваат што во следната деценија во прашање ќе биде доведен и нејзиниот опстанок. Еврото најверојатно ќе преживее, за неа не е сигурно, проценува британски историчар кој предава на американскиот Универзитет Стенфорд. 

Трамп вети безбедносни гаранции за Демократска народна република Кореја, Ким Јонг Ун вети комплетна денуклеаризација на Корејскиот Полуостров. Светот среќен.