Новоизбраниот претседател на САД, Доналд Трамп, во неколку наврати тврдеше дека ќе депортира најмалку 15 милиони, па дури и дури 20 милиони луѓе кои илегално се наоѓаат во САД.
Трамп сега ги потврди гласините дека планира неговата администрација да прогласи национална вонредна состојба за да ја користи американската војска за масовни депортации на имигранти без документи.
Уште кога победи, Трамп изјави дека има намера да го исполни своето предизборно ветување за масовни депортации, почнувајќи уште од првиот ден од неговото претседателствување.
Но, многу аспекти од она што тој го опиша како „најголемиот програм за депортација во американската историја“ остануваат нејасни. Дури и да не се појават законски пречки, властите ќе мора да се борат со огромни логистички предизвици.
На пример, експертите се сомневаат дека 20.000 агенти и персонал за поддршка на ICE (Immigration and Customs Enforcement) би биле доволни за да се пронајдат и процесираат милиони мигранти кои се во САД без документи. Ќе има и големи финансиски трошоци, но за нив Трамп кажа дека нема да го одвратат од намерата.
