Партијата сега има 218 места во долниот дом на Конгресот, со што Трамп ја има целосната контрола над законите и работењето законодавниот и извршниот систем на Соединетите држави.
По победата во Аризона, републиканците го добија неопходното мнозинство од 218 гласа од вкупно 435 седишта во долниот дом. Останати се уште 9 места за кои гласовите не се преброени и десет дена по изборите.
Владејачкото тројство на републиканците само е засилено од доминацијата што ја имаат во Врховниот суд на САД, каде односот на судиите е 6 спрема 3 за републиканците, а во времето на Трамп се очекува најмалку уште двајца судии да се пензионираат и да бидат назначени нивни замени. Со овие промени, Врховниот суд на САД со децении ќе остане под републиканска контрола, бидејќи судиите се бираат за доживотен мандат.
