Да му се правеше ова на Андреј Сахаров или на Нелсон Мандела, секоја организација за човекови права во светов ќе го осудеше тоа со праведнички гнев. Секое НВО ќе се редеше да даде поддршка. Секој новинар ќе пишуваше едиторијали. Вака - штама. Ако тој биде екстрадиран и осуден, за следниот таков случај ќе бидат потребни само 10-тина минути.

Џулијан Асанж скапува во самица. Драматично ослабнат, често под силни седативи, претрпе мал срцев удар, му се одбиваат медицински третмани и гледања со адвокат, забележан е како халуцинира и ја мава главата во ѕид. Крис Хеџис вели дека она што му се случува е класична егзекуција, само што се реализира во слоу моушн. Така е и планирано.

Меѓу 2.400-те гости кои присуствуваа на првото британски крунисување после 70 години, беа и бразилскиот и македонскиот претстедател. Бразилскиот Лула таму дојде со своите политички ставови за слободата на новинарството. Македонскиот Стево дојде со сопругата. 

- Дали е ок вие (ЦИА) да рушите демократски избрани влади во други држави? Какво право има ЦИА, американската влада или која било странска сила да го прави тоа? - Ако е тоа во наш национален интерес, ќе го правиме. Ќе интервенираме секогаш и секаде ако е тоа во наш национален интерес. Сакале или нејќеле. Свету, навикни се на тоа.

Веројатно чиста коинциденција беше тоа што Фокс и Сиенен речиси истовремено отпуштија двајца свои битни фаци, Такер Карлсон и Дон Лемон. Вториов ретко кој го гледаше ама затоа заминувањето на Такер кој беше голем, битен и влијателен, и уште побитно, што ќе прави следно, е многу занимлив феномен.

Импресивна е брзината со која ЕУ (со право) ја осуди драконската казна затвор за рускиот новинар и политички активист Владимир Кара-Мурза. Таа казна сепак е 150 години помала од онаа која му се заканува за Џулиjaн Асанж доколку биде екстрадиран и процесиран во САД. Ама за него, од угледните членови не Европскиот парламент ни зуц. Тука е да ги потсети само Клер Дали.

Бидејќи уште не може да обезбеди дистрибуција на неговиот најнов филм за американскиот пазар, Оливер Стоун го шета филмот по фестивали на други места на планетава, надевајќи се дека предупредувањата од него некако ќе стигнат и до Американците. Српска Политика го начекала во Џеда, Саудиска Арабија.

Мат Таиби го сподели воведниот говор од дебатата на која ќе учествува, од иста страна со авторот на „Војната на Западот“ Даглас Мареј а против Малком Гладвел од Њујоркер и Мишел Голдберг од Њујорк Тајмс. Расправаат околу тоа дали главните медиумски куќи во САД заслужуваат доверба.

По изјавата на австралискиот премиер Албанезе, дека отворено побарал од владата на САД да го помилува Жулијан Асанж, уследи отворено писмо на пет големи медиумски имиња. Тие бараат нивниот поранешен соработник да биде ослободен. Меѓу нив е и Гардијан, а долгото паметење на австралиската новинарка Кетлин Џонстон не дозволува тоа да им помине само така.

Ќе се најде земја која има ресурси кои им требаат на американските корпорации. Ќе се натераат да се задолжат кај ММФ и Светската банка за проекти за кои ќе бидат убедени дека многу ќе им помогнат. За реализација на проектите ќе се ангажираат се-знае-кои компании (Бехтел, добри?). Ако во тоа не успеат економските убијци, доаѓаат шакалите кои рушат влади и убиваат лидери. Мислите туку така паѓаат авиони?

Хрушчов и Кенеди со компромис ја решија опасната кубанска ракетна криза. Преговараа, направија компромиси, завршија работа. Денес Бајден воинствено сака да го сруши од власт Путин, а западните медиуми ја охрабруваат јавноста да поддржува ескалација на војната. Така ли ќе се дојде до мир?

„Проширувањето на НАТО беше историски успех.“ Читам и не ми се верува. Единица мерка за овој “историски успех“ е војната во Украина, од каде вестите и не се вести, туку еднострани литании. Сум известувал од разни боишта и никогаш не сум видел толку гола пропаганда.

Судбината на Џулиен Асанж е најречитиот симбол на западното лицемерие околу вредностите за кои номинално се залага: слобода на говор, транспарентност на политиката, одговорност на актерите.... Токму во име на тие вредности Асанж и Викиликс обелоденуваa ужаси од западните војни по светот. Имаме пакетче од Ирак. Брутални работи, сериозно може да ви се слоши. Ама па, можеби некогаш на човек и треба да му се слоши.

Се додека Западот не го реши проблемот со Асанж како што треба, само и само со помилување, сите хвалоспеви што си ги делат сами на себе ќе им бидат дочекувани на истиот волеј „а Асанж?“.

Пред точно 12 години, Џулијан Асанж и Викиликс го објавија морничавото видео насловено како „Колатерално убиство“ во кое детално е прикажано како се убиваат деца, цивили и двајца луѓе на Ројтерс. Денес Асанж се соочува со затворска казна од 175 години доколку биде екстрадиран за обелоденување вакви и слични воени злосторства.

За нашите злосторства, ако се објават јавно, се наоѓа жртвено јагне додека главните архитекти на колежот обично завршуваат како „угледни државници.“ Историски гледано, оние кои се гонети за воени злосторства (Нирнберг,  Либерија, Чад, Србија, Босна), се гонат затоа што ја загубиле војната и затоа што биле противници на Америка.

Како кога сите беа насекирани за Навални а таа ги потсети на Асанж, ирската парламентарка од Даблин, Клер Дали, сега ги потсети колегите на Авганистан. Зошто пет милиони кои се соочуваат со смрт од глад и невидениот пораст на продадени деца се наважни? Затоа што таа земја реши да ја пљачка американски, а не руски деспот?

Виза и Мастеркард имаат фактички дуопол во светот. Многу пред контроверзите со Канада и Русија, порно актерката Шери ДеВил има предупредувано дека овие политизирани финансиски моќници имаат преголема контрола врз слободата. А правилата за порното им се, во најмала рака, перверзни.

„Она што беше навистина шокантно беше тоа што судиите не покажаа никаква дилема околу тоа што го испраќаат Џулијан во неговата смрт. Кој од нас е подготвен да се спротивстави наместо да остане набљудувач на една ваква епска травестија“, прашува Џон Пилгер.