- Западот, неговата бесна меинстрим-глутница, го мрази Новак Ѓоковиќ. Толку се хистерични во својата омраза што кутрите мора да навиваат за руски тенисери кога играат против Ѓоковиќ/ Новак Ѓоковиќ и без да сака, стана еден вид симбол на отпорот против изопачените погледи на Западот, рамо до рамо со Асанж и Сноуден. Затоа го мразат, зашто не ги дели нивните забегани вредности со кои нас тука, како и секаде во светот, нè отекуваат дека се врвни и приоритетни.
- Такви се прогресивните лицемери. Ниту сакаат, ниту почитуваат. Ако за милиметар застраниш од нивната агенда, им се активира омразата. До вчера се лигавеа како „Небо над Берлин“ им е еден од омилените филмови, веќе утре спремни се да го запалат Петер Хандке на клада. До вчера пиштеа против лустрацијата на човекот Славко Јаневски (не на неговата уметност), а веќе денес се ноеви со главите во песок откако се дозна дека „Црно семе“ и „Црнила“ се исфрлени од наставната програма. Таква е лицемерноста на интелектуалната бижутерија со усти полни западни вредности… и грантови.
- Немаат време да се занимаваат со Ташко и Коле, зашто, следам, ловат вештерки виновни за смртта на кутриот Ноа од Белград. Кутар, не зашто е момче што се чувствувало како девојче, негова работа, туку зашто беше брутално убиен од својот љубовник, психопат. И не, не е убиено трансродово лице, убиен е човек. Е ама, за смртта на Ноа да не ти бил виновен убиецот, туку некои институции и личности, кои не им се по ќеф на прогресивните. А кога ним нешто не им е по ќеф, стануваат инквизиција.
- На самитот во Вилнус, Украина доби зелено светло. Ќе ги зачленат во НАТО по завршување на војната. Ама војната не смее да заврши. Мора да се води до последниот Украинец. Генијално, а?
- Поради надлетувања од дронови синоќа бил затворен аеродромот во Алборг, само неколку дена откако по сличен инцидент беше затворен и аеродромот во Копенхаген. Уште три помали аеродроми во Данска – во Есбјерг, Сондерборг и Скридструп, пријавиле активност на неидентификувани беспилотни летала, но не биле затворени.
- Дроновите биле следени но не биле соборени. Не е утврдено дека биле закана за авионите или луѓето. Полицијата сè уште не открила кој ги контролира и зошто. Во истрагата е вклучена и разузнавачката служба.
- Премиерката Мете Фредериксен ги оцени инцидентите како загрижувачка закана за критичната инфраструктура. Таа не ја отфрли можноста дека се руска провокација, но се воздржа од директно обвинување на Москва. Претставникот на Кремљ, Дмитриј Песков коментира дека таквите тврдења се без основа.
- „Не можеме се уште да ја коментираме целта на летањето дронови ниту можеме да каже кој е одговорен за тоа. Ако имаме можност, ќе ги собориме“, изјави регионалниот полициски шеф Јеспер Бејгард Мадсен.
- Поради дронови во понеделникот неколку часа беше затворен и аеродромот во Осло. Норвешките власти се во контакт со данските, но досега не утврдиле поврзаност на инцидентите.
- Џошуа Џан (29) е снајперистот што вчера пукал врз Центарот за имиграција и царина (ICE) во Далас, пред самиот да се застрела. Убил едно лице и критично ранил уште две - сите тројца илегални мигранти.
- Телото на Џан било пронајдено на покрив на зграда оддалечена 200 метри од центарот. На еден од куршумите што не ги употребил било напишано Anti-ICE, што укажува каква му била намерата, но не го објаснува целосно мотивот.
- Џан, кој живеел во Фервју, Тексас, пред девет години бил приведен поради продажба марихуана и бил осуден на 100 часа општествено корисна работа. Неговиот брат тврди дека немал посебен гнев кон бирото за миграција ниту бил многу заинтересиран за политика. Студирал машинство, па компјутерски науки и бил невработен.
- Претседателот Доналд Трамп, потпретседателот Џеј Ди Венс и министерката за домашна безбедност Кристи Ноем го опишаа снајперистот како „насилен левичарски екстремист“.
