Вести › Набрзинка

Асанж не може да се жали во Британија

15 март 2022

На Асанж му е одбиена дозволата да поднесе жалба до британскиот Врховен суд. Судот наведе дека го одбил барањето бидејќи случајот не покренува никаква спорна правна точка за која може да се расправа.
Својот случај тој сега може да го носи само пред Европскиот суд за човекови права.
Асанж се наоѓа во лондонски затвор од 2019 година. Пред тоа помина седум години во амбасадата на Еквадор во Лондон. Во Америка се соочува со 175 години затвор.

извор

Климатската агенда повеќе не е приоритет за глобалната агенција за енергија

20 февруари 2026

Меѓународната агенција за енергетика ги прифати сугестиите од САД и ја отстрани од своите приоритети загриженоста поради климатските промени.
Во завршниот документ на конференцијата во Париз се наведува дека главните приоритети на ИЕА се енергетската безбедност, отпорноста, критичните минерали и електроенергетските системи.
Американскиот министер Крис Рајт завчера ја повика агенцијата да се откаже од моделирањето на сценарија со нето-нула емисии и да се фокусира на традиционалната енергетска безбедност. Тој предупреди дека во спротивно САД ќе го преиспитаат своето членство во агенцијата на која ѝ полнат 14% од буџетот.
На претходната министерска конференција пред две години, како „врвен приоритет“ на ИЕА беше истакнато справувањето со климатската криза и постепеното укинување на фосилните горива.
„Не треба да го споредуваме денешниот заклучок со тој од пред две години, бидејќи во меѓувреме се променија толку многу работи“, изјави холандската министерка за клима Софи Херманс, која претседаваше со состанокот.

извор