- Британски судија и формално ја одобри екстрадицијата на Асанж во САД каде треба да одговара за шпионажа.
- Екстрадицијата треба да биде одобрена и од британскиот министер за внатрешни работи.
- Адвокатите на Асанж сега можат да поднесат жалба до Високиот суд.
- Кривичен суд во Париз го прогласи поранешниот француски претседател Никола Саркози за виновен за случајот за нелегално финансирање на кампањата во 2007 година со пари од либискиот лидер Моамер Гадафи. Саркози победи на тие избори и ги отфрла обвинувањата како „политички мотивирани“. Судот го ослободи Саркози од другите обвинувања, вклучувајќи примање украдена стока, проневера на јавни средства и пасивна корупција.
- Саркози, како министер за внатрешни работи, во 2005 година направил дил со Гадафи: Либија да му ја финансира кампањата, а кога ќе победи да ѝ се оддолжи со поддршка за враќање на меѓународната сцена. Во матната афера биле вклучени либиски шпиони, осуден терорист и трговци со оружје.
- Француско-либанскиот бизнисмен Зијад Такиедин (75), кој беше еден од ко-обвинетите но и клучен сведок во случајот, починал завчера од срцев удар во Бејрут два дена пред да биде објавена пресудата. Такиедин тврдеше дека по налог од Гадафи лично му испорачал на Саркози куфери со вкупно 5 милиони евра во кеш. Подоцна ја повлече изјавата и ја негираше, поради што беше отворена посебна истрага за сомневањата дека Саркози и првата дама Карла Бруни извршиле влијание врз сведоци. Овој процес е во тек.
- Лани во февруари Саркози доби условна затворска казна во врска со обвинување за корупција и злоупотреба на влијанието. Три месеци носеше електронска алка за да му се следи движењето. Во друг случај беше осуден на една година затвор поради нелегално финансирање на кампањата за реизбор во 2012 година – потрошил двојно повеќе од дозволеното. Казната подоцна му беше намалена на шест месеци затвор и шест месеци условно, но Саркози нема да биде зад решетки додека се разгледува неговата жалба.
- Поради надлетувања од дронови синоќа бил затворен аеродромот во Алборг, само неколку дена откако по сличен инцидент беше затворен и аеродромот во Копенхаген. Уште три помали аеродроми во Данска – во Есбјерг, Сондерборг и Скридструп, пријавиле активност на неидентификувани беспилотни летала, но не биле затворени.
- Дроновите биле следени но не биле соборени. Не е утврдено дека биле закана за авионите или луѓето. Полицијата сè уште не открила кој ги контролира и зошто. Во истрагата е вклучена и разузнавачката служба.
- Премиерката Мете Фредериксен ги оцени инцидентите како загрижувачка закана за критичната инфраструктура. Таа не ја отфрли можноста дека се руска провокација, но се воздржа од директно обвинување на Москва. Претставникот на Кремљ, Дмитриј Песков коментира дека таквите тврдења се без основа.
- „Не можеме се уште да ја коментираме целта на летањето дронови ниту можеме да каже кој е одговорен за тоа. Ако имаме можност, ќе ги собориме“, изјави регионалниот полициски шеф Јеспер Бејгард Мадсен.
- Поради дронови во понеделникот неколку часа беше затворен и аеродромот во Осло. Норвешките власти се во контакт со данските, но досега не утврдиле поврзаност на инцидентите.
