Има помалку од еден месец до американските претседателски избори. За двајцата кандидати всушност би требало да се зборува во категории "помалку опасен" и "крајно опасна": за Трамп може сешто да се каже, но неговата надворешно политичка платформа е нова и интересна, додека онаа на Хилари Клинтон знаеме каква е и каква ќе биде.
За разлика од анкетите што речиси од почеток на трката покажуваат предност на Хилари, републиканскиот кандидат најде колку-толку оддишка во прогнози од вештачката интелигенција.
Американските политичари само создаваат хистерија околу "митската руска закана" како маневар да се оттргне вниманието на гласачите од вистинските проблеми за време на американските избори, изјави Путин на средбата со руските експерти за надворешни работи.
Баталете ги анкетите и сондажите по кои Хилари е во сериозна предност, порачува филмаџијата Мајкл Мур кој останува на својата теза дека Доналд Трамп ќе стане претседател на САД првенствено како гневна реакција на граѓаните кон системот.
Кога е сериозна изгледа како префригана кучка. Во последно време пробува да ја нуди "насмевката на баба" за да го ублажи таквиот впечаток но не ѝ оди најдобро. Просто, на Хилари насмевка ѝ стои како фрак на Стивен Хокинг.
Процената е дека да не беше Трамп од карши, Клинтон речиси сигурно ќе ги изгубеше изборите. Самиот пакет мејлови што Викиликс ги објави месецов е доволен за закопување на демократскиот кандидат, кога републиканците не би го трошеле сето свое време на гасење пожари зад Трамп.
Како што почна да зема на сила тазе објавената снимка со фалењето на Трамп околу жените, така републиканскиот кандидат одржа прес-конференција каде на своите поддржувачи, а и на сè останато, им порача "никогаш нема да се откажам од трката за претседател."
Пред почетокот на викендот распоредот во претседателската трка во САД беше: во првата дебата победи Хилари ама не многу, а Трамп изгуби, ама не многу. Плус добар дел беа изненадени од одличниот настап на Пенс, изборот за потпретседател на Трамп, во дебатата со Кејн, изборот на Хилари. Сето ова важеше до петокот кога Вашингтон пост објави снимка од Трамп, како експлицитно се отвара за своите пракси околу жените во брак.
Атлантик е еден од највоздржаните американски магазини за време на избори. Во своето постоење (пазете, постојат 159 години!) само во два наврата поддржале некој кандидат за претседател. И еве сега се појавува Доналд Трамп.
Главен судија, порота, водител, контролор и модератор на понеделничката дебата, беше водителот на вечерните вести на Енбиси, Лестер Холт. За разлика од претходните избори, годинава немаше некоја погласна забелешка за тоа како тој си заврши работата.
Впечатокот што го пренесуваат американските медиуми е е дека во првата претседателска дебата Клинтон успева да му влезе под кожа на Трамп и како ретко кога во последниве две години терање кампања, републиканскиот кандидат да ја изгуби смиреноста и постојано да е во гард.
Едниот затоа што е тешка сировина од човек а другата затоа што е толку преработена што не се гледа човекот, републиканскиот и демократскиот кандидат за американски претседател здружно постигнаа интересна цел: на човека да му ги згадат изборите.
Иако јавно се згрозени од секој потег на Трамп и од помислата тој да стане претседател на САД, добар дел од актуелните европски политичари веруваат дека на крај може ќе има и некаков ќар од неговиот претседателски мандат.
Меѓу стандардно ужасните (одлични) фори, Галифинакис успева на Хилари да и прошверцува неколку тешки прашања и една реклама од Трамп (да го поздравиме спонзорот на емисијата).
Оригиналниот и фактографски точен наслов на сторијата е “Најџел Фараж зборуваше на митинг на Доналд Трамп”, меѓутоа сепак не сакаме на прва да вадиме луѓе од памет.
Говорот е упатен до Доналд Трамп и во него најдругарски го советува како од целата работа може да излезе како легенда, а сè што треба да направи е да се откаже од претседателската трка. Проштален, затоа што оди на одмор до 20 септември и се надева дека до тогаш Трамп ќе го има послушано.
Снимателот на документарци изјавил дека "со сигурност" знае дека Доналд Трамп не сака да биде претседател на САД и тврди дека републиканскиот кандидат сега ја саботира сопствената кампања за да го избегне претседателскиот мандат.
Во анализа за Њујорк тајмс, Дејвид Брукс објаснува дека поранешната прва дама не ги привлекува гласачите пред се заради својот темперамент, односно дека е постојано опседната со својата кариера и и' недостасува животна радост. Џон Мекартур во колумната за Ле монд дипломатик објаснува дека тоа е најмалку важното нешто што може да се каже за Хилари.
Анализирајќи го системот на претставничка демократија, Њујорк тајмс прави пресметка за тоа колку луѓе гласаа за Трамп и Клинтон да бидат двајцата кандидати од кои ќе се избира владетелот на Американците и пошироко.
Сандерс едвај ги смири гневните фанови, Мишел Обама одржа говор за во учебници по ораторство, исвиркана беше и Елизабет Ворен. Настапи Пол Сајмон (инаку фан на Берни), чија изведба на Bridge Over Troubled Water беше доста неубедлива па твитерџии искоментираа дека "Русите и него го хакнале". Епилог: Хилари е кандидатот на Демократите кој ќе треба да смисли начин како да го сопре Трамп.
Човекот кој успеа да го преживее баражот од негативни реклами (и речиси неспоредливо многу критики) за да стигне до републиканската номинација, пред почетокот на битката со Хилари изгледа многу кутро во однос на капацитетите за купување простор за реклами.
Хилари прогласи победа односно обезбеди доволно гласови за номинација од Демократите. Сандерс не признава пораз ама отпушта луѓе од кампањата. Доналд Трамп топ не го бие, ама, почна да чита.