Секоја сезона во последните пар кола пред крајот, се води жестока битка за еврокупови, за титула, за опстанок во лигата. Во цела таа хаотична трка некогаш не се бираат средства да се оствари целта. Ама некогаш се преминува границата, како пред 6 години во Памплона.

Ќе помине и карантинов, па ќе се вратиме во нормала. А додека трае ќе имаме:

Некои видеа се чиста коинциденција, но за да се случат треба да ги имаш луѓето, нели? Поранешниот доктор за фудбал неодамна на тренинг му асистираше на актуелниот доктор за фудбал. Врвна комбинација и реализација.

По историското четврто место на Евробаскетот во Литванија 2011, хероите на Марин Докузовски играа квалификации за Олимпијада. Се потсетуваме на еден епски момент од мечот против Доминиканска република, кога Борче наш му ја заби во лице на центарот на Атланта Хокс. Лудило.

Дебито во репрезентација е настан кој секој фудбалер го памети до крајот на животот. Особено ако е деби за селекцијата на „црвената фурија“.

Пазете ја сценава. Голман, две гајби за гол, публика под сенка и еден лик со нествари потези кои ги прави со капче. Да, со капче. Патем голманчево залудно се џитка, затоа што ликов не е нормален како ќе го заврши шоуво.

Во недостиг на ракомет и полни сали, ЕХФ скоцка една компилација од најсмешните моменти досега сезонава во Лига на шампиони. Место број 1 е комичниот гол кој го прими Калифа Гедбан, голманот на Вардар на мечот против Мешков Брест.

И да се позиционираш најфудбалски што можеш во дуел еден на еден со Меси, никој не ти гарантира дека ќе поминеш добро. Боатенг од Баерн уште на старт му стоеше погрешно и потоа му се случи колапс.

Во двомечот од полуфиналето на ЛШ во 2006/2007 меѓу Милан и Манчестер Јунајтед паднаа 8 гола. На „Олд Трафорд“ на првиот дуел на денешен ден пред 13 години, Англичаните славеа 3-2 со два гола на Руни и еден на Роналдо. Кака ги постигна двата за Милан од кои едниот се памти одлично и 13 години подоцна. На реваншот Бразилецот постигна уште еден гол во триумфот на Милан од 3-0.

Клупските медицински лица и вработените во компанијата која што направила IQ тестови за повеќе играчи на Челси биле зачудени од резултатите на Лампард кои ги има само 0,1% од населението.

Играше за клубови како Арсенал, Манчестер Сити, Реал Мадрид, Тотенхем...ама не е дека го направија позрел или можеби и никогаш не ни бил. На крај краева ќути си и трај си ако не ти се дава, што ти требаше побогу ова глупо видео.

Не му беше ни прв, а ни последен пат да витка обрачи, крши табли, па и крши цели конструкции. Ова му се случи и како играч на Орландо Меџик, на 23-ти април пред 27 години на меч против Њу Џерси.

Никогаш претходно и никогаш подоцна еден тим во составот немал толку многу фудбалери од странска земја, како екипата од јужна Италија во таа 2006-та.

Стратегот на Вест Хем не е како некои шупаци во Премиер лига кои одбиваат кратење и покрај тоа што имаат ненормална неделна плата и до 400.000 фунти. Мојс прифати 30% кратење на годишната плата од 2 милиони фунти, а во меѓувреме почна и да помага по луѓе.

На 23-от ден од април таа 2019-та брзиот Ирец Шеј Лонг го постигна најбрзиот гол во историјата на Премиер лига. Тогаш шпицот на Саутемптон за 7,69 секунди го отвори резултатот на мечот против Вотфорд кој на крај заврши 1-1.

Цела кариера им ја посвети на Росонерите за кои играше 20 години, од кои 15 како капитен. Освои 17 трофеи од кои 6 Скудета и 3 ЛШ. Дебитираше на денешен ден 1978-ма на 17 години и стана еден од симболите и икона на Милан. 6-ката му ја повлекоа во историјата.

Во Шпанија после напорни спорови меѓу фудбалската федерација и Ла Лига, уште не е решено кога ќе се доигра. Најверојатно е фудбалот да продолжи на крајот од мај или на почеток од јуни, сигурно без гледачи.

23-ти април 2003-та. Четвртфинале на ЛШ. Реал со убедлива предност од 3-1 по првиот дуел во Мадрид допатува во Манчестер. На реваншот Јунајтед победи 4:3, ама јунак на вечерта беше Бразилецот кој доби стоечки овации од цел стадион за хет-трикот.

Корења пуштија дома, особено нашиве кои играат во италијанско, па на Илија Несторовски му дојде идеја како да пополни време на интересен начин и за него и за навивачите. Вклучува играчи во живо на Инстаграм и им поставува интересни прашања.

Додека секојдневно им стигнуваат разни песимистички информации од европските лиги, во УЕФА убаво им дошла веста дека на Фарски Острови ќе продолжи фудбалското првенство.

Бангкок, Тајланд. Млад дечко сфаќа дека нема фајде од челенџи, хаштази и разни предизвици. Зема топк... овај тоалетна хартија и излегува на улица.

Иако ситуацијата со пандемијата од Ковид-19 и натаму е неизвесна, повеќе европски влади размислуваат за ублажување на мерките, а соодветно на тоа и многу национални првенства се острат да ги пуштат спортистите во арените.

На мечот Реал Мадрид - Тенерифе, 1998-ма, физиката како наука мораше да ги прошири своите учебници.