Осум дена, три натпревари - 4 погодоци за довчерашниот македонски репрезентативец кој на 35 години не престанува да тресе мрежи.

Килијан Мбапе немаше баш пријатен пречек на церемонијата за доделувањето на Златната топка во Париз. Мета е на големи критики од навивачите поради муабетите дека сака да си оди и плус го обвинуваат дека тој е виновник за лошата атмсофера во ПСЖ. На Зидан пак кој го доби признанието на Франс фудбал во годината кога Мбапе е роден, му го скандираа името.

По Рајмонд Копа, Жан Пјер Папен, Мишел Платини и Зинедин Зидан, Карим Бензема стана петтиот Французин во историјата кој успеа да стане најдобриот фудбалер во светот според Франс фудбал.

Кога Реал Мадрид ќе добие голем натпревар, Лука оди да им честита на сите. Ама буквално на сите. Од тренер, играчи, масери, стручен штаб. Сите ги испоштува после Ел Класико. Потег со кој се одржува и тимскиот дух.

Во големото дерби на англискиот фудбал Ливерпул го доби Манчестер Сити 1:0 со гол на Мохамед Салах. Во еден дом каде повеќето членови на семејството и гостите биле навивачи на Ливерпул, бебето спиело па не смееле да урлаат на голот на Салах.

Биднаа 20 години од нашето најславно реми против една од најславните генерации на Англија. 16 октомври 2002 - 16 октомври 2022. Англија - Македонија 2:2. Овој пат одиме со малку поопширен материјал покрај корнерот на Шаќири.

Во Франција се одигра дербито ПСЖ - Марсеј кое го добија домаќините со 1:0 со голот на Нејмар. А во Рен, домашниот состав го пречека Лион и победи 3:2. Овој меч остана во сенка на епизодата со главната судијка, Стефани Фрапар, првата жена судијка во историјата на францускиот и воопшто европски машки фудбал.

Леонард Жута е наш човек, роден во Шведска. Врза 15 настапи за Македонија во периодот 2015-2016. Играше за Ријека со Рики, со Бобан Николов во Лече, а сега е член на Волеренга од Норвешка. Што е со човеков, да не е фатен во кичмата?

Море какви пријатни спомени, трауми се тоа. Tуку фино ги раскажува, до стадиум да ја насмее публиката. Се изнапромашувал на Сан Сиро кутриот. Од страв.

Е во ова лежи убавината на стариот добар англиски фудбал. Задржан е уште во втората лига Чемпионшип и во подолните дивизии. Дербито Хал Сити - Бирмингем Сити доцнеше неколку минути затоа што судиите забележале дека едниот гол е два инчи, односно пет сантиметри повисок од другиот.

Во големото дерби меѓу Бешикташ и Трабзонспор, екипите поделија по бод (2:2). Гостите на два пати водеа, а Бешикташ се враќаше. Во еден момент нашиот репрезентативен капитен Енис Барди кој во Лига Европа постигна прекрасен гол од слободен удар, промаши чист зицер.

Манчестер Јунајтед оствари нов разочарувачки резултат сезонава, само 0:0 против Њукасл. Но во Премиер лига знаат да разочараат и судиите.

Реал Мадрид самоуверено со 3-1 ја совлада Барселона во првото Ел класико на сезоната. „Кралевите“ воспоставија контрола уште од сам старт и во прво полувреме го најавија победникот. Се појави статистички податок дека Чави бил најслабиот тренер на Барса по првите 50 меча.

Во рамки од 3. коло на Јадранската лига, Партизан многу потешко од очекувањата го победи Студентски центар со 91:82. По четири гостувања по ред во Евролига и АБА, Партизан заигра пред своја публика. Во таков амбиент младиот Урош Трифуновиќ рогна еден баскет на крајот од мечот па Жељко му се сипа.

Германскиот стратег постави одлична тактика во дуелот против страшниот Манчестер Сити и со голот на Салах црвените освоија три драгоцени бода. Во 85’ минута Јирген Клоп му се изнаурла на главниот судија Ентони Тејлор зошто не им досудил очигледен фаул. Овој без размислување го олади.

Спектаклот Ливерпул - Манчестер Сити траеше цели 100 минути. Во дербито на 10. коло црвените на својот „Енфилд Роуд“ со 1-0 го победија големиот ривал и му го нанесоа првиот пораз на гости во лигата од првото коло од минатата година и прв пораз сезонава уште од јули. Алисон асистент од свој петерец, Салах реализатор.

Во Гвардиола има доста материјал за една квалитетна комична компилација од разно разни спонтани ситуации. Последната е од првиот пораз вчера од Ливерпул.

Реал Мадрид го доби мечот на сезоната во Шпанија и со триумфот над каталонците од 3:1 изби на челната позиција. Сега има +3 пред Барса и е единствена екипа без пораз после 9 кола. Роберт Левандовски имаше колосална шанса, каква што обично не промашува.

По триумфот дома над аутсајдерот Луксембург, македонската ракометна репрезентација ја декласираше и Турција на гости (27:36), на стартот од квалификациите за ЕП 2024. Најпрецизен на мечот беше Филип Талески со 7 погодоци, кој не ги поштедуваше домаќините од сите позиции.

Виљареал има 4/4 во Лига Конференции и со 12 бода е апсолутен лидер во групата. „Жолтата подморница“ синоќа со 0-1 ја победи Австрија Виена на гости. Победничкиот гол падна во 87’ минута. Стрелец 21-годишниот Сенегалец Никола Џексон. Асистент 35-годишниот ветеран Хозе Луис Моралес. Петица како Гути за Бензема на времето.

Најдобриот украински фудбалер на сите времиња и легенда на Милан, Андреј Шевченко објави дека бил непосреден сведок на страшното гранатирање во Киев.

Честа појава е на Ф1 трките и на оние мотоциклистичките во егзотичните земји да се појави некое локално животно. Во Австралија одвреме-навреме скока по некој кенгур, а еден валаби (вид на кенгур) ќе направеше страшна хаварија на патеката „Филип Ајленд“ кога претрча пред Шпанецот Алеиш Еспаргаро кој возел 218 км/час на денешниот тренинг пред неделната трка.

Во 4. коло од Лига Европа, Вест Хем со 2-1 го совлада белгиски Андерлехт. „Чеканите“ водеа со два гола предност веќ во 30’ минута, а гостите намалија од пенал во 89-та минута. Нередите на гостинската трибина се хајлајтс од овој дуел.

Фудбалот носи бескрајно необични епизоди. На мечот меѓу Манчестер Јунајтед и Омонија на „Олд Трафорд“ во рамки од 4. коло на Лига Европа, големиот фаворит едвај победи со гол дури во длабоко судиско продолжение, во 90+3’ минута. Главен јунак на мечот е голманот на кипарскиот тим, Френсис Узохо.