Зоран Лукиќ има 50 години, роден е во Белград. Малку е познат на европската и балканската кошаркарска сцена. Чекор по чекор го трасирал патот дури до селекторско столче на Русија. Од домашниот Беопетрол заминал да биде тренер во вториот, резервен тим на ЦСКА Москва, па долги години го водел клубот Нижњи Новгород каде и денес е паралелно тренер.

Спиеш ли мирно Роберто Карлос?

Никола Јокиќ се врати после паузата поради повреда и на гости кај Мајами Хит го водеше својот Денвер Нагетс до триумф 120-111. Јокиќ уфрли 24 поени, 15 скока и 7 асистенции. Неговото гостување во Мајами беше долгоочекувано после големиот инцидент кога го удри Маркиф Морис на првиот нивен дуел во Денвер.

18 пласираниот Гезтепе одигра 1:1 против фаворитот Фенербахче кој котира на четвртата позиција на во турскиот шампионат. Головите паднаа во 40-та и 48-ма минуга, а резултатот го отвори Адис Јаховиќ кој добро се снајде. Украде топка, го мина чуварот и одлично финишираше. Се надеваме на вакви партии и во дресот на Македонија.

Франс Фудбал на буквално неколку часа пред свечената церемонија за доделување награди за најдобрите фудбалери во изминатата 2021-ва воведе нова награда - пазете: за најдобар напаѓач со која сакаше колку толку да го обели образот што главната награда Златна топка не оди кај најзаслужниот за неа. Не стигнале на време да организираат награда за најдобар играч од среден ред и најдобар дефанзивец на годината.

Изненадување во изборот на топ 30 играчи на годината беше името на Кјаер. Но неговото присуство нема врска со фудбал. Стоперот на Милан и селекцијата на Данска, прв истрча за да му го спаси животот на Ериксен на Европското првенство. Дидие Дрогба го нарече херој кој ја направил разликата, хајлајт за 2021-ва според него.

А „Франс Фудбал“ доделува ли награда за асистенција на годината? Лисандро Лопез од аргентинскиот прволигаш Расинг сака да ви покаже нешто.

Во 9. коло од албанската трета лига, клубот Прмети од градот Премет го пречекал тимот на Лаберија. Гостите победиле 0-2 а видео снимки од мечот го обиколија светот. Услови за игра? Базен за ватерполо.

Одиграл четири утакмици со големи коефициенти од кои две му ги дава во судиско. Феенорд израмни на 2:2 во 93-та минута, а Ајнтрахт во 94-та исто за 2:2. Што ти е спортска среќа.

Македонската кошаркарска репрезентација во ослабен состав без своите најдобри играчи не можеше да ѝ пружи голем отпор на моќната Шпанија кој славеше убедливо во Скопје 65-94 во квалификациите за Светско првенство.

Роналдо ја освои пет пати, Меси шест пати и многумина мислат дека им се доста, односно дека има и други момци кои треба да ја освојат. Како на пример Роберт Левандовски, човекот кој стана асоцијација за гол. Дефинитивно ова е негова година.

Не станува збор за славната Дилета Леота, туку за нејзината колешка Грета Бекаља која известуваше од мечот Емполи - Фиорентина. Се најде во друштво на најгневните гостински навивачи од поразот.

Двете легенди на Премиер лигата, Рој Кин, некогашниот лидер и капитен на Манчестер Јунајтед и Џејми Карагер, поранешен капитен на Ливерпул работат како стручни коментатори за „Скај Спорт“.

Обагејанг не си сам викендов, не се секирај, имало и бетер од тебе, најбетер за ова коло, па и месецов, кој сигурно ќе конкурира за утка на годината во Турција. Ентони Нвакаеме веројатно знае дека голот е широк 7,3 метри, само уште да најде начин како да го погоди.

Антонио Ван-Дунем или попознат како Тој Лимпа е лик од Африка кои со начинот на кои ги брише и чисти кошаркарските паркети стана светски познат. Кога на пауза или некој прекин тој излегува на паркет, за момент застануваат и тајм-аути, го следат и играчи и тренери и навивачи.

За него се вели дека како дете бил многу добар во традиционална иранска игра со фрлање камен, иако ние мислиме дека има вежбано и со ѓуле.

Во 11. коло од грчката Суперлига се судрија големите градски ривали од Солун, ПАОК и Арис. Гостинските фудбалери одиграа подобар фудбал и во 42’ минута од мечот поведоа со 0-1 со голот на Даниел Мансини. Ама следеше позната епизода од грчките стадиони.

Кога е нешто во знак на Марадона, Неапол е обединет, силен, моќен. На 25.11.2020, четири дена по смртта на Диего Марадона Наполи ја декласираше Рома со 4:0. Сега, три дена по годишнина од смртта на стадионот „Диего Марадона“ го суредија Лацио со 4:0.

Во финишот од норвешката фудбалска сезона играа Кристијанстуд и Викинг. Гостите победија 2-3 а пред крајот од мечот се случи една многу чудна ситуација. Само што Бјерсхол го даде победничкиот гол за гостите, изби турканица меѓу голманот на Викинг Патрик Гунарсон и неговиот соиграч од среден ред Словенецот Давид Брекало. Во еден момент голманот Гунарсон одглуми дека бил удрен и падна а Брекало доби црвен картон од судијата.

Средбата вредна финале во бараж за Светско е закажана за 24 март, најверојатно во Рим, но нашето пријателче кое редовно ни праќа јаки видеа со македонска спортска содржина, веќе скоцка убава најава. Ја грмнал македонската химна на Олимпико. Морници. Едвај чекаме.

Реал Мадрид се избори за голема победа со пресврт против незгодната Севиља и со тоа ја задржа предноста на лидерската позиција во Ла Лига. Голгетерското темпо со Бензема кој го постигна погодокот за израмнување, го држи заедно со него и Винисиус кој со бомба во финишот ги постави конечните 2:1.

На мечот Удинезе - Џенова се појави транспарент на кој дете со својот татко им дава поддршка на двајца играчи од две различни екипи, Горан Пандев и Илија Несторовски.

Скоро 300.000 евра му е плата. Неделно.

Мислевме дека сме ги виделе сите можни смешни или патетични обиди за да се дојде до еден фаул или фаул за пенал, ама ќе се појави некој ваков лик и ќе те демантира. Го имаме херојот на колото, кој истовремено е и тежок пациент.