Голем хаос во Солун на дербито ПАОК - Арис

Во 11. коло од грчката Суперлига се судрија големите градски ривали од Солун, ПАОК и Арис. Гостинските фудбалери одиграа подобар фудбал и во 42’ минута од мечот поведоа со 0-1 со голот на Даниел Мансини. Ама следеше позната епизода од грчките стадиони.

Навивачите на солунските „црно-бели“ во самиот финиш од мечот кога започна судиското продолжение од 4 минути а нивните фудбалери немаа сили да го израмнат резултатот, почнаа да фрлаат бакљи и разни предмети на теренот а набрзо и се симнаа долу меѓу играчите кои експресно брзо се повлекоа во соблекувални.

Траеше судир меѓу навивачите и полицијата. Фудбалерите на ПАОК стоеа на страна и гледаа што се случува а судијата им нареди да се повлечат во подтрибинскиот простор.

Набрзо безбедносните служби речиси во целост ги испразнија трибините, делегатот Димитрис Диамантопулос ја проверил состојбата на теренот и трибините и мечот во договор со судијата Боби Мајден од Шкотска (Грците за големи и тензични дерби средби викаат арбитри од страна) решиле натпреварот да заврши.

 

29 ноември 2021 - 10:10

Штета ако сте пропуштиле

Обуки за диверзитет и инклузија се бадијала горење пари

Автогол во битката со вирусот

Мајк Помпео, секретарот на Трамп

Порно лига: Оскари