Селекторот на Русија Зоран, кој бара да се зборува само руски јазик

Зоран Лукиќ има 50 години, роден е во Белград. Малку е познат на европската и балканската кошаркарска сцена. Чекор по чекор го трасирал патот дури до селекторско столче на Русија. Од домашниот Беопетрол заминал да биде тренер во вториот, резервен тим на ЦСКА Москва, па долги години го водел клубот Нижњи Новгород каде и денес е паралелно тренер.

Лукиќ ги освоил Русите кога на една прес-конференција после мечот со Италија (победа 92:78), некој новинар му поставил прашање на кошаркарот Антон Астапкович на англиски јазик, наводно така налагал протоколот на ФИБА, а српскиот тренер рекол: „Чекај, чекај треба на англиски? А што ако не умееме на англиски, збори руски“.

Кога Астапкович продолжил на руски, Лукиќ му рекол: „Тоа кукло“.

Лукич настоял, чтобы Астапкович на пресс-конференции говорил на русском языке, а не на английском

Вот так тренер у нас теперь! pic.twitter.com/R7h5TZE9vy
— Семён Галькевич (@galkevich32) November 26, 2021

Астапкович игра за Нижњи Новгород баш кај Лукиќ, има 27 години и во квалификациите досега бил клучен играч за Русите.

Лукиќ како селектор со Русија веќе забележа 2 победи во квалификациите за Светско првенство (со Италија и со Исланд) и сега догодина го чека продолжение од квалификациите па после и настап на Европско првенство 2022 од септември.

Русите на Евро2022 ќе играат во група со Шпанија, Турција, Грузија, Белгија и Бугарија. Домаќин на оваа група ќе биде Тбилиси во Грузија а Европското ќе се игра во 4 земји: Чешка, Грузија, Италија и Германија.

објавено: 30 ноември 2021 - 12:22