- Од 4 претставници летово во Европа, Македонија понатаму ќе гледа 2 клуба: Шкендија во квалификации за Лига на шампиони ќе игра против ФЦСБ (некогашна Стеауа Букурешт) откако го мина велшкиот првак ТНС и Вардар кој славеше против екипа од Сан Марино и ќе игра во 2. квалификациско коло за Конференциска Лига против Лозана.
- Од Европа испаднаа Силекс кој славеше пирова победа од 2-1 над црногорски Дечиќ по поразот на првиот меч 2-0 и Работнички кој изгуби на два пати од белоруски Торпедо со вкупен резултат 4-0 (3-0, 0-1).
- Вардар првиот меч со Лозана го игра дома на 24-ти јули а реваншот е една недела подоцна во Швајцарија. Шкендија исто е домаќин на првиот дуел во Скопје против романска ФЦСБ во 2. коло квалификации за ЛШ.
- Пред натпреварот Ница - Рома (1-2) од 1. коло во Лига Европа, француската полиција осуетила и привела повеќе од 100 навивачи на Рома меѓу кои нашле арсенал студено оружје, палки, метални шипки, боксувачи, димни бомби и др.
- 28 навивачи од Рим по брза судска постапка биле осудени на минимум 2-месеци затвор во Ница и таму ќе останат најмалку до крајот на ноември. На оние кои се ресидивисти, односно кои го повториле делото и биле учесници во инциденти и нереди на натпреварите против Тотенхем, Билбао и Сервет, им се заканува и затворска казна до 5 години. Обвинителството во Ница им ги одбило барањата за депортација. Останатите 89 биле депортирани назад во Италија на нивен трошок.
- Рома победи 1-2 со головите на двајцата стопери Еван Ндика и Џанлука Манчини.
- Како што беше објавено веднаш по трагедијата, Ливерпул остана на зборот и целосно го исплати преостанатиот дел од договорот на семејството на Диого Жота.
- Португалецот имаше уште две сезони договор со клубот од Енфилд. Потврдата стигна од Арне Слот.
- „Неколку пати повторив колку бев горд на реакцијата на навивачите во тие денови. Сопствениците се претежно оние кои критикуваат, како и тренерите. Но, начинот на кој се справија со целата оваа ситуација... Тие им ги исплатија на сопругата и децата на Диого сите пари од договорот. Можеби луѓето мислат дека тоа е нормално, но тоа не е нормално во фудбалот“, рече тренерот на Ливерпул.
- Ливерпул, исто така, направија нешто што никогаш порано не го направие. Го повлекоа бројот 20 во сите младински категории и во првиот тим.
