Страшниот залет на Тадеј Погачар, работите дојдоа на свое место

Словенецот Тадеј Погачар е победник на 12. етапа на 112. издание на Тур д' Франс. Најдобриот светски велосипедист и возач на Емирати тимот, ја заврши делницата од Уша до Утакама долга 180,6 км за четири часа, 21 минута и 19 секунди со што го презема водството во генерален пласман и со жолта маичка ќе ги предводи останатите.

Главниот момент на првата брдска етапа на Пиринеите се случи некаде на самиот старт на искачувањето, односно на 12 километри пред финишот, во моментот кога групата велосипедисти тргнуваше кон успонот Утакам.

Погачар, поддржан од тимските колеги, на истото место каде минатата година неочекувано покажа многу слабости и ја изгуби предноста и трката, синоќа запна и во свој стил буквално го оддува најголемиот ривал Данецот Јонас Вингегор.

Tadej Pogacar is out of this world 👽

The world champion leaves Jonas Vingegaard in the dust, opening up a gap with a huge attack 💪💥 pic.twitter.com/it2OPHNgZM
— Cycling on TNT Sports (@cyclingontnt) July 17, 2025

Проаѓањето низ целта меѓу првите на Погачар му го честиташе францускиот претседател Емануел Макрон.

Интересно, Погачар сега му бега на Јонас Вингегор од тимот Висма +3:31 минути и тешко е да се очекува дека во продолжение од Тур д'Франс Данецот би можел да го престигне бодовно.

За нивното големо ривалство најдобар показател е податокот дека ги завршуваа трките еден позади друг дури 47 пати од кои 21 на прво и второ место.

Ова беше 102. победа на 26-годишниот Словенец Тадеј Погачар во кариерата, 29 на Гран-тур трките а јубилејна златна 20-та на Тур д'Франс.

At 26 years old, Tadej Pogacar has won his 20th Tour de France stage! 🙌 #TDF2025 pic.twitter.com/6XxwDLceLw
— NBC Sports Cycling (@NBCSCycling) July 17, 2025

ПОРЕДОК ЗА ЖОЛТАТА МАИЧКА:

1. Тадеј Погачар (Словенија, Емирати) 45:22:51
2. Јонас Вингегор (Данска, Висма) +3:31
3. Ремко Евенпул (Белгија, Квик степ) +4:45
4. Флоријан Липовиц (Германија, Ред Бул-Бора) +5:34
5. Кевин Фокелан (Франција, Аркеа) +5:40
6. Оскар Онли (Велика Британија, ПостНЛ) +6:05
7. Примож Роглич (Словенија, Ред Бул-Бора) +7:30
8. Тобијас Халанд Јохансен (Норвешка, Уно-Икс) +7:44
9. Феликс Гал (Австрија, Декатлон-АГ23) +9:21
10. Матео Јоргенсон (САД, Висма) +12:12

Тадеј Погачар со освоената етапа на Утакама ја облече и точкастата маичка наменета за најдобриот на брдските цели. Во петок се вози брдски хронометар од Лудовиниел до Перагуда во должина од 10,9 километри.

објавено: 18 јули 2025 - 11:06