Бока Јуниорс во 8. коло од аргентинската лига со 3-2 го совлада Белграно. Сите три гола за домаќинот ги постигна легендарниот Уругваец Единсон Кавани на кого навивачите на Бока одамна чекаа да блесне. Кавани стрелаше прецизно во 63-та минута од пенал, во 73-та и во 79-та минута.

Легендарниот напаѓач на Арсенал доби прашање од кој тренер е воодушевен како работи тактички, а тој го издвои Инѕаги кој го следи уште од времето на Лацио. Го објасни неговиот систем на игра 3-5-2 и му се допаѓа тоа што игра со двајца напаѓачи. Проблем е како се сретнеш со него во Куп, а тоа го осети на своја кожа и Манчестер Сити во финалето од ЛШ, вели Анри.

Арсенал игра во страшна форма а „топџиите“ тоа го покажаа и на гостувањето кај Шефилд Јунајтед кого го декласираа со 0-6. Ова е седма победа по ред за Арсенал во Премиер лига а на тие седум меча постигнале дури 31 гол! Првпат во историјата на најдобриот англиски фудбал една екипа да добие три гостински меча со +5 гола разлика.

Во дербито на вечерта, Милвоки Бакс на домашен паркет го совладаа ЛА Клиперс 113:106 а јунак на вечерта беше една од многуте суперѕвезди на паркетот Дамијан Лилард.

Вардар го загуби дербито на колото од Шкендија со 3:0 и се со соочи со скандалозно однесување на домашните навивачи кои симулираа погреб за црвено црните, ставајќи ги во ковчег кој заврши во пеколот.

По пауза од 12 години, македонската фудбалска легенда повторно ќе го облече дресот со кој ја испиша историјата под водство на Мурињо.

Европската фудбалска унија (УЕФА) и официјално го потврди новиот формат на своите три клупски натпреварувања - Лига на шампиони, Лига Европа и Лига Конференции со старт од новата сезона 2024/2025. Веќе нема да има групи, односно ќе има само една табела во Лига на шампиони и секој тим ќе игра осум натпревари во новата лигашка фаза.

„Сите изгубивме. Да отидев ќе бев единствениот претставник на македонскиот фудбал на вакво големо натпреварување. Вардар не ме пушти поради одредени интереси“.

Реал Мадрид беше на прагот од голем и луд пресврт против Валенсија на „Местаља“ после 2-0 за домаќините, но главниот судија Манзано спречи триумф на „кралевите“. Џуд Белингем со нов гол, со глава во длабоко судиско продолжение ќе донесе три бода за Реал но Манзано во ист момент кога овој шутираше, свирна крај на мечот. Англискиот репрезентативец револтирано го пцуел главниот судија кој веднаш му покажа црвен картон.

По долга пауза од 6-7 месеци, се вратија фудбалските настани на нашето најубаво здание кое доста зорт виде со одржување. Работнички ја совлада Брегалница 2:0 во 21. коло од домашното првенство. Мечот го разубави Камерунецот Аиме Гандо на акробатски начин.

Ајнтрахт Франкфурт на гости го совлада Хајденхајм со 1-2 и се зацврсти на шестата позиција која води во еврокуповите. Гостите славеа најмногу благодарение на неверојатниот кикс на домашниот голман кој на додавање на соиграчите Бенедикт Гимбер ја утна цела топка.

Сигурно се сеќавате на Патрик Кутроне, малку подзаборавениот напаѓач на Милан, кој се проба во Премиер лигата, но Вулверхемптон го позајмуваше во Фиорентина, Валенсија и Емполи за да на крај да направи трансфер во Комо. Во важен меѓусебен дуел за местата кои водат во Серија А, му донесе триумф на својот тим на спектакуларен начин и тоа во финишот од мечот.

Ако го разбравме добро шпанскиов на машкиот глас, веројатно таткото, така некако ќе му дојде објаснувањето до детето: „Ништо не ти е, ќе ти пројде, Меси беше тоа“.

Дербито на колото во Бразил меѓу Флуминенсе и Ботафого го добија гостите убедливо 2:4. Во финишот од мечот имаше два пенали, црвен картон, многу тензија и еден комичен настан со гостински фудбалер преку кого пробуваа да задржат време.

Во второто коло од новата сезона во американската МЛС лига, Торонто на гости го победи Њу Ингланд 0-1 со гол на Лоренцо Инсиње. Некогашниот италијански репрезентативец и капитен на Наполи направи ремек дело во негов стил, а голот го прослави на интересен начин.

Нема насловна страница во НБА која ќе мине без некој подвиг на Балканец. Овој пат во записникот на статистичарите влезе Босанецот од Феникс со несекојдневна бројка.

Норвежанецот е расен стрелец и најзаслужен за историската тројна круна минатата сезона на Манчестер Сити. Халанд е врвен шпиц и тоа е општо познато но тоа што го промаши во дербито со Манчестер Јунајтед вечерва не му се случило речиси никогаш.

Градските дерби дуели секогаш се интересни од причина што колку и да е некој фаворит и во подобра форма во моментот, секогаш може да се случи нешто непредвидливо. Како попладнево на „Етихад“ каде Сити играше викторија пред голот на Манчестер Јунајтед за да во 8' минута по еден долг деганжман на Онана, Бруно му асистираше на Маркус Рашфорд кој го постигна голот на сезоната во Премиер лига досега.

Во Интер Мајами очекувано проработе стариот добар тандем Меси-Суарез, двајцата верни семејни пријатели кои уште од времето на Барселона ги малтретираа голманите. Сега во дресот на американскиот тим како ветерани ги учат другите фудбал. Во 3. коло од американскиот МЛС, Интер Мајами со 5-0 го совлада Орландо. Меси даде два гола и стигна до бројката од 500 голови во првенствен лигашки фудбал.

Брентфорд и Челси одиграа 2:2, а голот на мечот и колото во Премиер лига го има Јоан Виса кој ептен си го направи ќеифот во 69-та минута.

Три српски легенди се собраа на едно место и направија клип кој многу тежи. Никола Јокиќ, Новак Ѓоковиќ и Владе Дивац. Се работи за меч во Лос Анџелес на кој Леброн Џејмс стана прв играч во историјата на НБА со 40.000 поени, но забавата му ја расипа се знае кој, Јокиќ со 35 поени и 10 скока, како и победа од 124:114. Новак го прекина интервјуто за да се поздрави со својот сонародник.

Ливерпул со гол на Дарвин Нуњез дури во 90+8' минута во последните секунди од мечот го совлада Нотингем Форест на гости со 0-1. Ова беше дури 18-ти пат Ливерпул под водство на Јирген Клоп да слави со гол во длабоко судиско продолжение. Црвените со овој триумф и натаму се први во Премиер лига. Прославата на голот на Уругваецот ја сними Ван Дајк со телефон на навивач.

Добро му тргна на стариот многу добро познат танде од Камп Ноу. Во 3. коло од МЛС, Интер Мајами го декласираше Орландо 5:0. Меси даде два гола, а Суарез два гола и две асистенции. Меѓу стрелците се запиша и Тејлор.