Offside › Набрзинка

Жените на фудбалерите во Саудиска Арабија: „Овде е посигурно отколку во Европа, не ни се враќа“

20 октомври 2026

Сопругата на репрезентативецот на Франција и некогашен фудбалер на Милан и Реал Мадрид, Тео Ернандез, Зои Кристофоли која е Италијанка од Верона, се придружи на реакциите по повод страшниот хаос кој се случуваше деновиве во Франција и Италија.
Насилните протести во Франција донесоа илјадници повредени лица, скршени и демолирани локали, ограбени продавници, запалени возила и напади врз неистомисленици.
Зои Кристофоли коментирала на едно видео кое се шири по друштвените мрежи на кое се гледа како една сопственичка на продавница беспомошно се обидува да го заштити својот локал за време на нередите грабежите во Франција.
Сопругата на Тео Ернандез ги споредува овие сцени со нејзиниот живот во Ријад, во Саудиска Арабија каде важат построги закони и има поголема безбедност.
„Ако некому украдеш нешто, ти ги сечат рацете. На почетокот си мислев: да не е ова претерано? Сега мислам дека нема друг начин одредени луѓе да се стават под контрола“, напишала таа.
Имено сопругата на Ернанез и самата има лична траума од насилен грабеж кога во октомври 2022-ра година вооружени напаѓачи упаднале во нејзиниот дом во близина на Милано, впериле пиштол кон неа и нејзиното дете и ги ограбиле. „Ако даде Бог, ќе останам овде што е можно подолго“, рекла Зои за Саудиска Арабија.

извор

Деветта операција за Линдзи Вон

10 ноември 2026

Тешкиот период за Линдзи Вон (42) сè уште не е завршен. Легендарната американска скијачка повторно ќе мора да биде оперирана, а претстојниот зафат ќе биде деветти во нејзината медицинска битка по страшниот пад на Зимските Олимписки Игри во Милано 2026.
Вон откри дека лекарите сè уште не можат со сигурност да го предвидат исходот од интервенцијата и дека повеќе детали ќе има по завршувањето на операцијата.
„Ова ќе биде моја деветта операција и се молам да биде последна. Некои работи можат да се променат за време на зафатот, па мораме да почекаме и да видиме како ќе помине сè. Ќе ве информирам за опоравувањето веднаш штом излезам од операционата сала“, порача Американката.
Американката важи за една од најдобрите скијачки на сите времиња. Во нејзината трофејна кариера има три златни медали од Олимписките игри, а го освојуваше и Светскиот куп четири пати.

извор

Речиси се познати шеширите, Македонија сигурно ќе игра за ЕП 2028 со еден гигант

10 ноември 2026

Познати се шеширите за ждрепката за квалификациите за Европското првенство 2028 година, која ќе се одржи во декември 2026 година. Распределбата е направена врз основа на привремениот пласман во Лигата на нации, а конечниот изглед ќе зависи од резултатите во преостанатите натпревари до крај.
Според проекциите на „Football Meets Data“, репрезентацијата на Македонија со сигурност се наоѓа во третиот шешир, заедно со Романија која исто така е сигурна. Според моменталните резултати таму се наоѓаат Украина, Полска, Шкотска, Грузија, Израел, Словачка, Црна Гора, Албанија и Исланд.
Во првиот шешир се наоѓаат најквалитетните европски селекции, сигурни се Шпанија, Португалија, Франција, Холандија, Англија, Грција и Италија, а таму се очекува да бидат и Белгија, Данска, Германија, Норвешка и Хрватска. Треба да се случи чудо за Белгија и Германија да не бидат во прв шешир, а многу близу до потврда на местото се и Норвешка и Хрватска, кои зависат сами од себе затоа што играат со директните ривали за освојување на третата позиција на табелата. Вториот шешир кој уште е во формирање има само една позната, тоа е Швајцарија, а според моменталниот пласмсан го сочинуваат и Велс, Србија, Турција, Чешка, Шведска, Австрија, Северна Ирска, Босна и Херцеговина, Унгарија и Словенија.

извор