Оној кој од близу се занимавал со местење кореографија знае колку е тоа тешка, макотрпна и исцрпувачка работа. Уште рачунајте ако треба да местиш за 80.000 луѓе, па секој да знае да не крева пред време, ни подоцна ни порано. Навивачите на Интер на дербито со Лацио кое заврши 1:1 кренаа чудесна кореографија за шампионското скудето број 20 со кое заработи две ѕвезди на грбот.

Ал Ахли ја совлада Абха со 5:1, а еден од гостинските играчи доби поклон топка од голманот и потоа сам себе се совлада. Неверојатна сцена.

Имаме невообичаен дуел еден на еден на дуелот Черно море - Лудогорец, ама многу невообичаен, бидејќи се играше надвор од терен и во еден момент одбраната доби драстично засилување од страна на линискиот судија. 

Тешко кој навивач на црвените ќе може да издржи да го изгледа видеото кое како благодарност за сè што направи за нив Ливерпул му го сними на својот сакан Јирген Клоп кој после 9 години заминува од „Енфилд Роуд“.

Легендарниот германски фудбалер имаше господско испраќање на „Сигнал Идуна парк“. Возврати мангупски со многу јак и ретко виден гест.

Со победата од 2-1 над Аугзбург во последното коло од германската Бундеслига, шампионот Баер Леверкузен и официјално ја заврши сезоната во германската лига без пораз - 28 победи и шест нерешени на патот кон трофејот.

Конечно бидна и тоа. Заврши драмата во Премиер лига. Во последното коло Манчестер Сити со 3-1 го совлада Вест Хем, го сочува првото место и ја освои шампионската титула со 91 бод, два повеќе од Арсенал кој има 89.

Во претпоследното коло од шпанска Ла Лига, Виљареал и Реал Мадрид одиграа спектакуларен меч кој заврши со дури осум гола! На крајот реми 4:4. „Кралевите“ водеа 1-4 но норвешкиот шпиц Александар Серлот беше упорен и не дозволи Виљареал да изгуби.

Ливерпул експлодираше од емоции на последниот меч на Клоп. Од навивачи до играчи, никој не остана рамнодушен поради заминувањето на харизматичниот мангуп кој им ги исполни соништата. Ван Дајк липаше од солзи.

Во негов стил: „Мислам дека нема да ми недостигате, но ако тоа се случи, само ќе ја погледнам оваа фотографија и тоа чувство ќе исчезне“.

Хајдук ја совлада Горица 2:1 со пресврт, во претпоследното коло од хрватскиот шампионат. На Александар Трајковски му тргна дури на крајот од сезоната. Има 3 гола на последните 6 средби или вкупно 4. Македонскиот напаѓач го израмни резултат во 30 минута.

Во седмиот решавачки меч, кошаркарите на Денвер Нагетс изгубија од Минесота Тимбервулвс 90:98 и нема да го бранат шампионскиот пехар освоен минатата сезона. Јокиќ и другарите имаа огромни +20 на почеток на третиот период но гостите направија луд пресврт.

Ракометарите на Алкалоид испишаа нова клупска историја и го освоија првиот трофеј од формирањето. Во финалето на Купот падна шампионот на Македонија.

Кошаркарите на Далас Маверикс се првиот финалист на Западот, откако синоќа јас совладаа Оклахома 117:116 во полуфиналната серија и со 4-2 одат во финале.

Со поделени одлуки на судиите, во „Кралска Арена“ во Ријад, Саудијска Арабија пред речиси 30.000 гледачи, Украинецот Александар Усик го совлада до синоќа неприкосновениот шампион Тајсон Фјури од Велика Британија.

Вардар и Алкалоид одиграа драматично и неизвесно полуфинале во Купот на Македонија. За влакно не гледавме седмерди.

Легендарниот ракометен стратег кажува пример од едно патување во Лига на шампиони, за тоа каква била разликата кај ракометарите кога биле со и без интернет.

Жозе Мурињо го смета Лука Модриќ за гордост и вели дека кога го однел во Реал Мадрид, никој не верувал дека е за таму, а уште игра после толку години.

„Непобедливите“ на Арсенал е приказна која уште се раскажува. Ама погледнете го вие внимателно хитот на сезоната во Европа какви бројки вади. Да потсетиме, имаат уште едно коло во Бундес и финалиња во Куп и ЛЕ.

На Енфилд Роуд веќе на големо траат подготовките за последниот натпревар на Јирген Клоп на клупата на Ливерпул. Во недела против Вулверхемптон германскиот тренер за последен пат ќе ја води екипата. После 9 години во кој направи ренесанса и му донесе на клубот пехар во Лига шампиони, титула во Премиер лига која ја чекаа цели 30 години, два ФА купа, два Карабао Купа, европски Супер Куп и Светско клупско првенство.

Со само 14 години и 29 дена, Матео Аполонио стана најмладиот дебитант во историјата на аргентинскиот и веројатно светскиот фудбал. Тој во четвртокот вечер влегол во игра од клупа за резерви на мечот меѓу второлигашот Депортиво Риестра и Њуелз Олд Бојс (0-1) од осминафинале на Купот на Аргентина.

Познатиот српски блогер Виктор Влајиќ на својот Инстаграм профил објавува видео од имитација на НБА ѕвездите од САД.

11 месеци, 14.000 км и 20 земји содржи неверојатната авантура на дечкото кој се претставува како најголем навивач на Манчестер Јунајтед. Вредеше на крај. Му се исполни сонот.

Еден од најдобрите светски фудбалери на денешницата, сјајниот Килијан Мбапе за неколку недели и официјално треба да биде промовиран во нов фудбалер на Реал Мадрид кој ќе прави свечена церемонија за отворање на реновираниот „Сантијаго Бернабеу“. Во меѓвуреме Килијан бил поканет на свечена претстава на неговата восочна фигура во најпознатиот музеј на светот за возочни фигури - Мадам Тисо во Лондон.