Во Шкотска ечи песна за Кристијан Трапановски

Македонската инвазија во шкотскиот фудбал зема замав. Минатата сезона Бојан Миовски беше прогласен за играч на сезоната во Абердин, а се најде и во тимот на сезоната на шкотската Премиер лига. Уште не почната новата сезона, Кристијан Трапановски и Давид Бабунски се веќе хит во Данди Јунајтед. Првиот има 4 гола на 5 настапи од кои 3 во Куп и деби гол во првенство со кој се најде во тимот на неделата, а вториот е назначен за капитен и на 4 меча има 2 гола. Навивачите еуфорично пејат за Трапановски, кој летово пристигна од Шкупи.