Шоуто на Леброн и другарите против Бразил

САД со 35 поени разлика, 122:87 го растури Бразил во четвртфиналето на Олимписките Игри и очекувано обезбеди лесен пласман во полуфинале каде ќе игра со Србија која беше подобра од Австралија 95:90. САД има неверојатен состав, а најефикасни против Бразилците беа Девин Букер со 18 поени и Ентони Едвардс со 17 поени. Двоцифрени беа уште и Ембид со 14 поени и седум скока, Ентони Дејвис со 13 поени и осум скока, Леброн Џејмс со 12 поени и девет асистенции и Кевин Дурент со 11 поени.

На овој натпревар Кевин Дурент ја надмина легендарната Лиза Лесли по број на поени за американската кошарка на Олимписки Игри. Дурент на 3:06 пред крајот на третата четвртина со Бразил постигна шест поени и стигна до 489 поени.

Со тоа ја надмина култната Лиза Лесли која имаше исто 4 настапи на ОИ со 480 поени и четири злата. Дурент на крајот стигна до 494 поени и сигурно до крај на Игрите ќе го подобри својот рекорд за САД.

Congratulations @KDTrey5 I’m honored to have you break my @TeamUSA Olympic record!!! Our dedication to our country is evident and etched in stone!! Now go get another Gold medal my friend! One Team, One Goal, Gold!
🥇🇺🇸 #GoUSA
— Lisa Leslie (@LisaLeslie) August 6, 2024

Дурент цели да стане првиот кошаркар во олимписката историја со четири злата откако веќе освои прво место на Олимписките Игри во Лондон 2012, Рио 2016 и Токио 2021.

објавено: 7 август 2024 - 10:04