Тројната круна на Стефан Ристовски се слушна и во Манчестер Јунајтед благодарение на Бруно Фернандеш. Португалската ѕвезда и македонскиот репрезентативец се големи пријатели од времето во Спортинг каде заедно освоија три пехари. Бруно на Инстаграм ја сподели фотографијата од Рики кој позира со пехарите за време на прослава на плоштадот во Загреб. Скоро 9 милиони го следат.

Галатасарај ја запечати титулата број 24 во својата историја и тоа убедливо со 102 бода, 3 повеќе од Фенербахче. Мауро Икарди во елемент играчки и на терен и во диско.

Минатиот четврток во првиот меч од германскиот бараж, Бохум изгуби дома 0-3 од Фортуна Дизелдорф која глатко победи пред реваншот на свој терен. Се било спремно за голема прослава на пласман во Бундеслигата, прв после неколку години.

Турскиот кошаркарски стратег Ергин Атаман во последните четири години, три пати се радува во фајнлфорот од Евролигата. Ја освои два пати со Анадолу Ефес (2021, 2022), а овој пат и со Панатинаикос кој се качи на тронот по пауза од 13 години.

Легендарниот шведски стратег беше специјален гостин на последниот меч на Лацио за оваа сезона. Го пречекаа со сите нишани. 50.000 навивачи привлече најавата за неговото присуство.

ФК Ржаничино и ФК Гоце Делчев викендов се бореле за прво место, вредно промоција во трета лига. Гостите имале предност од 0:1 и им бил доволен само бод за да ја сочуваат првата позиција, но домаќините победиле со пресврт и завршиле први. Тоа значи дека Ржаничино оди во трета лига, а Гоце Делчев останува во четврта. На полицијата им се отворило работа.

Лука Дончиќ редовно нарачува балкански песни во НБА, а еден од главните ликови задолжени за забава е Шекил О`Нил кој го смееше Словенецот.

Многу славенички денови имаше периодов за фудбалерите на Динамо Загреб. Кулминацијата се случи синоќа со отворен автобус, најпрвин со шампионска парада низ улиците на градот, а потоа на плоштад каде имаше голема фешта.

22 годишниот Ентони Едвардс кој од 2020-та е на НБА сцената како член на Минесота, сè повеќе нè потсеќа на Винс Картер во начинот на кој забива. Колку само моќ и експлозивност има во потегов. Страшен е дечкото.

Во третата пресметка од финалето на Западната конференција, Далас Маверикс ја доби Минесота со 116:107 и за два дена ќе има можност да му направи чистка на незгодниот противник кој го елиминираше шампионот Денвер. 3:0 има и Бостон против Индијана.

Комити како и многу пати сезонава направија фешта во бараж мечот на Вардар против Детонит Плачковица кој го добија со 2:0. Го згрмија големиот македонски хит и приредија пиротехничко шоу.

Панатинаикос е нов шампион на Евролигата откако во финалето во Берлин го совлада фаворитот Реал Мадрид со 95:80, инаку владетел во најсилната кошаркарска лига во Европа со 11 трофеи и вкупно 22 одиграни финалиња.

Навивачката група Комити го издржаа на плеќи Вардар до крај и со целосна посвета и огромна поддршка стигнаа до нов опстанок во баражот за прва лига. Но овој пат како целосни сопственици.

После 10 фантастични и незаборавни сезони со 22 трофеи и 464 настапи, германската легенда Тони Крос ја завршува мадридската авантура.

Хајдук ја декласираше Локомотива на гости со 5:2 во последното коло од хрватскиот шампионат, а Александар Трајковски експлодираше со хет-трик. Македонскиот репрезентативец на крајот на сезоната доби поголема минутажа и ја искористи да финишира со 7 гола и 3 асистенции на 17 настапи. Хајдук како третопласиран ќе играа квалификации за Конференциска лига.

Втор Куп трофеј во историјата на Леверкузен и прва двојна круна, откако сезонава стигнаа до шампионската титула на импресивен начин без пораз.

Победа предводена од поранешниот голман на Македонија, Јане Николоски, успеа со тим полн со тинејџери да обезбеди опстанок во втора лига. Го добија Куманово со 2:1, а трибините ги запали 17 годишниот Димитар Шаркоски кој изведе акробација.

Македонската легенда беше дел од спектакл во Букурешт каде се одигра натпревар меѓу селекцијата на Романија 1994 и Тимот на светот. Стрелци за гостите беа Пандев и Ривалдо.

Далас - Минесота 2:0, Бостон - Индијана 2:0. Нова спектакуларна партија на Лука Дончиќ кој на 3 секунди до крај постигна тројка за победа од 109:108. Третиот натпревар се игра во понеделник наутро во два часот. 

Центарфорот на италијанската репрезентација Џанлука Скамака по скромните настапи во Сасуоло, Џенова и Вест Хем, конечно си го најде раатот во Аталанта. За новиот шампион во Лига Европа кој со 3-0 го растури Баер Леверкузен, Скамака сезонава има 18 гола и 8 асистенции во сите натпреварувања со што е најдобар стрелец на екипата која го воодушеви светот.

Случаен лик во налет на курч му крева нос на долгогодишниот светски шампион во боречката вештина Муаи Таи, подоцна и кикбоксер и ММА борец, Американецот Џо Шилинг (40). Немал ксмет.

Тетка Џулијана држи ресторан Траторија д’Амброзија или попознат како „Кај Џулијана“. Таа е страствена навивачка на Аталанта, а локалот ѝ е делумно посветен на новиот европски првак во Лига Европа, гордоста на градот. Кај неа на убави италијански домашни специјалитети редовно доаѓале фудбалерите и тренерите на Аталанта.

После 12 години, 428 настапи и 170 голови, Марко Ројс се збогува од Борусија Дортмунд, а последниот танц ќе го има во финалето од ЛШ против Реал Мадрид на 1 јуни на Вембли. Ќе остане незаборавен лик за секој навивач на Борусија. Ова е само еден ситен процент од тоа што го има направено за клубот.