На последните 7 средби во Серија А, Рома загуби од Торино, Јуве, Аталанта и Сампдорија, а одигра реми со Сасуоло и Интер, плус нерешениот резултат на заостанатиот меч со Сампдорија. Ќе смрзнат ако продолжат вака.

Вид Белец, голманот на Беневенто не можеше да го поднесе поразот на својот тим од Торино па реши на Нианг да му удри клоца при едно истрчување од шеснаесетникот. Очекувано доби директен црвен картон без размислување. Вид Белец е Словенец, дете на Марибор кој порано беше голман во Интер.

Џенаро Гатузо не е човек како и сите други и од него најмалку се очекува да му каже на некој: „Среќен роденден, голем да растеш“. Водителката Иларија Д`Амико, инаку партнерка на Џиџи беше синоќа во разговор со него, а царот во сред емисија во живо и рече: „Залапај го од мене“. Костакурта се здроби од смеење.

Сезонава, како и секоја досега, се изнадава голови, има многу асистенции и е најзаслужен што Барса направи пресврт против Алавес и од 0-1 победи 2-1. Ама тоа не го брише фактот дека Луис Суарез е најпргавиот фудбалер во Европа. Го казнуваа со месеци, со недели, ама памет не му доаѓа.

Со 8 интервенции сите во вториот дел, Штербик е прогласен за најдобар играч на финалето на Европското првенство. Тој е единствениот ракометар кој ја освоил МВП наградата на едно финале на ЕП и СП. Кој би рекол дека овој човек има 38 години. Рипна од фотеља, и се приклучи на селекцијата на Шпанија пред три дена и ја крена ногата до небо.

По четири сребрени медали и две бронзи, двократниот светски првак за прв пат во својата историја освои Европско првенство. Херојот на Вардар, Арпад Штербик вечерва беше херој и за Црвената Фурија.

Еден од најдобрите играчи на светот дошол во неочекувана посета на Штип каде го забележале во еден од локалните ресторани. Ибра неофицијално во градот под Исарот ќе остане до вторник а има шпекулации дека дошол на лов. Меѓу првите кои се сликаа со легендарниот Златан е и ракометниот репрезентативец Мартин Поповски.

Во чест на јубилејот на големиот Џиџи Буфон кој денес слави 40. роденден, цела Италија му праќа честитки, а Јувентус пушти во продажба ограничена колекција на дресови на легендарниот голман.

Импресиите од машкото Европско полека слегнуваат, па затоа тука се ракометарките на Вардар да нè потсетат на нивниот поход кон круната европски шампион.

За време на фантастичниот викенд во Загреб со кој се заокружува Европското првенство во ракомет, се одржи и ждрепката за следното Светско првенство 2019-та кое официјално ќе се отвори на 10. јануари следната година во Берлин.

Додека Хрватска е домаќин на најдобрите 16 селекции од стариот континент, во Сувон, Јужна Кореја се одржува Азиско ракометно првенство, на кое учествуваат и Австралија и Нов Зеланд. Овие последниве имаат несекојдневно и специфично шоу пред натпревар.

Македонските навивачи заслужуваат чиста 10-ка за навивањето и однесувањето на Европското првенство во Хрватска. Колку што знаеме не се скачкаа со никој. На мечот со Чешка еден од нивните навивачи се обиде да им го наруши мирот, но неговиот престој траеше едвај 3 секунди. 

Најдобриот англиски судија Марк Клатенбург веќе некое време суди во Саудиска Арабија. Го почитуваат, ама ги почитува и тој. За време на мечот од Купот меѓу Ал Феиха и Ал-Фатех се слушна оџата од блиската џамија па Клатенбург го прекина мечот на стадионот „Крал Салман“ за присутните да се помолат. На крај дал 5 минути продолжение, дуелот завршил 1-1, па во продолженија домаќините го дале вториот гол во 118’ минута за пласман во четвртфинале.

Четвртфиналниот натпревар од Копа Дел Реј синоќа беше посебен по многу нешта. Хавиер Маскерано по 7,5 сезони си кажа збогум со Каталонците, а на Камп Ноу падна 4.000-от гол во историјата. Го постигна Лионел Меси.

Продолжувањето на договорот на Жозе Мурињо во Манчестер Јунајтед до 2021-та година не е среќна вест само за навивачите, туку и за газдите на хотелот кои трљаат раце од неговиот досегашен 574 дневен престој.

Во секој трансфер преоден рок, а особено во зимскиот, клубовите „колат прасе воочи Божиќ“, па во пет за 12 брзаат да средат документација за ново засилување. И тогаш настанува циркус.

Литванија го има еден од оние голови на футсал, што не е можно да се повтори. Го даде за 6:6 во последна минута и сигурно си вика супер што се сопнав.

7,5 сезони, 334 настапи, 17 трофеи. Не се малце. На Хавиер Маскерано синоќа протис Еспањол му направија повеќе од достојно испраќање од клубот каде остави голем белег. Следна дестинација во кариерата на 33 годишниот Аргентинец му е Кина.

Фудбалскиот клуб Еспањол важи за про-шпански ориентирано друштво кое уште од времето се противи на било каква сецесија и отцепување на Каталонија. Синоќа стотина навивачи на овој клуб гостуваа на „Камп Ноу“ на реваншот од Кралскиот куп којшто Барса го доби со 2:0. Со шпански знамиња ги иритираа домаќините кои возвратија.

Авторот на најлегендарното „куцање“ во историјата на кошарката денес полни 41 година, и да, ден-денес игра на највисоко ниво.

Официјалниот фејсбук на НБА објави видео запис од разговорите меѓу тренерот на Голден Стејт Стив Кер и ѕвездата на клубот, Стеф Кари кои биле водени за време на дуелите последните сезони.

Каталонците го најдоа наследникот на Иниеста. Влезе синоќа во 68’ минута токму место Андрес и имаше неколку добри потези. Барса го победи Еспањол со 2:0 (Суарез, Меси) и се пласираше во следната рунда од Копа дел Реј.

Стоперот на Ливерпул и фудбалската репрезентација на Хрватска има нешто да ви каже.