Тикетот ни стигна викендов, ама не е одигран викендов, туку во средата кога имаше Лига на шампиони. Секоја чест за храбрата уплата која затоа пак му донесе доста сочна исплата.

Хабиб Нурмагомедов и Конор МекГрегор ги оправдаа, а можеби и ги надминаа очекувањата на гледачите кои се по вакви борби. Такво нешто веројатно може да се каже и за славјето во неговата земја.

Што, ќе ми водите само 1:0 со Виган? Абе има да трчате сè додека не ги наполните па макар јазикот ви паднал до пупак. Тоа беше Манчестер Јунајтед, прво го гледаш Сколс како брка пресинг во напад, а по некоја секунда се вратил да покрие во одбрана. Сега главна преокупација во тимот е кавгата меѓу Мурињо и Погба за некое си видео што го постирал на Инстаграм.

Се вика Норик Авдалјан и игра за тимот на техничкиот факултет во Универзитетска лига во рускиот град Казан. Неговиот трик од пенал веќе има милион прегледи.

Голманот се спрема да изведе, противникот ти се поставува со пресинг, голманот ти ја подава, чуварот ти е на 7-8 метри со што имаш можност да се наместиш и да ја расчистиш, а ти го одбираш најлошото можно решение. Се работи за Бразилецот Валас од Лацио, на кој Неста, Стам и Михајловиќ НЕ се горди. Да не реагираше Томаш Стракоша како што треба, Лацио - Фиорентина немаше да заврши 1:0.

Џон е жива легенда на Челси, фудбал професионално играше 23 години од кои само една година се пресели да игра во Бирмингем за да и помогне на Астон Вила да се врати во Премиер но не успеа во финалето на плејофот.

Унион Берлин губеше 0:1 од Хајденхајм во втората германска Бундеслига но во судиското продолжение Рафал Гикевич, полскиот голман на домашните стана јунак откако со глава ја заби топката во гол за 1-1 и голем бод. Унион е второ место во лигата.

Мемфис Депај фина ти беше идејата, ама не заборавај дека голманот на ПСЖ не се вика Кире Трајчев, туку Џиџи Буфон на кого тие 40 години воопшто не му тежат. Се истегна и ја пипна со прсти доволнo за да не прими гол. 

Времето на Роналдо и Меси полека изминува или за некое време ќе измине, ама затоа доаѓа моментумот на некои нови клинци. Меѓу главните сигурно ќе биде Килиан Мбапе кој изминативе две години постојано руши рекорди.

Капитенот на Палермо се враќа во голгетерска форма во вистински момент пред двата меча на Македонија во Лига на Нации (13-ти со Лихтенштајн и 16-ти со Ерменија). По двата први гола сезонава против Перуџа, синоќа сам му донесе победа на својот тим во последните минути. Финта со лева, па мајсторски пласирана со десна за Палермо - Кротоне конечни 1:0.

Четврти меч - четврти пораз за момците на Данило Брестовац во Лигата на шампионите. Силкеборг - Металург 33-25 (16-14). Шанса за први бодови ќе се бара во следното коло против Чеховски медведи.

За разлика од многу борби во минатото за кои се зборуваше со месеци па на крајот гледавме приспиванка, овојпат Нурмагомедов и МекГрегор ги оправдаа очекувањата на гледачите и пружија одлична борба која продолжи и доле на трибините.

Очајни први 45 минути и негатива од 0:2 за Манчестер Јунајтед. Пола Европа зборува дека Мурињо ќе попие отказно решение на „Олд Трафорд“. Второ полувреме даваат три гола, слават победа и се чекаат изјавите на Жозе. А он во свој манир.

Бекот на норвешки Селбак, Јонас Александер Олсен во обид да избие една топка во аут, опалил по жиците од далеководот па направил пиротехничко шоу. На крај неговиот тим изгубил 0:5 од Весфосен и сега има само 3 бода на 23 одиграни средби.

Соочен со сериозни обвинувања за силување на Американка чии адвокати му бараат 200.000 евра оштета за претрпена психичка тортура, Кристијано Роналдо на теренот не изгледа дека е загрижен. Вечерва даде гол во триумфот на Јуве против Удинезе на гости од 0:2.

Мануел Алехандро Гарсија Санчез е фудбалерот со чиј гол Алавес го победи Реал Мадрид првпат после повеќе од осум децении! Цели 83 години тимот од Баскија чекаше да го кутне „кралскиот“ тим. Притоа ова е првпат од сезоната 1984/1985 Реал Мадрид на 4 меча по ред да не даде гол. Сега Алавес е третопласиран со исто бодови како и Реал Мадрид кој има нешто подобра гол разлика.

Жозе Мурињо од интересен лик пред камери, веќе станува комбинација на чуден и депресивен со на моменти шарлатанско однесување. Не знае кај тера со играта и резултатите и пак се закача. Манчестер Јунајтед едвај му победи денеска против Њукасл во последна минута. Губеше 0:2 по 10 минути игра и направи персврт со три гола од 70-та до 90-та минута.

Енис Барди има 23 години, Тони Мицевски 48, ама тука нема разлика кога ќе го видите старото како изведува слободен удар. Поранешниот македонски репрезентативец кој играше во Бундеслига, уште игра активно фудбал во родното село Поешево. Погледнете му ја најновата мајсторија на ревијалниот меч меѓу ветераните на Победа и Пелистер. Каков цар.

Тој што мисли дека Вардар сезонава е послаб и почнува некоја си нова ера, гадно се заебал. Вардаровата машинерија го сомеле и силниот бундеслигаш со кој денеска го играа мечот на колото во ЛШ.

Иако е повреден и не е во комбинација за денешниот меч, сепак Абутовиќ допатува во Скопје каде ги мина најубавите години од кариерата. Освен овации, за ракометарот на Рајн Некар кој 7 години му беше верен на Вардар со кој освои европска титула, имаше и едно изненадување. Капитенот Столе му подари дрес на кој пишува: „Илија фала ти за се“.

На стартните шест кола во новата сезона го немаше, ама затоа денеска на гостување влезе во второ полувреме, го намести нишанот и испука проектил во агол кој не го фаќаат 10 Буфоновци. Хетафе - Леванте конечни 0:1, благодарение лудиот слободен удар на македонскиот репрезентативец.

Икарди и Наинголан го решија ПСВ во второто коло од ЛШ, ама потегот на мечот го направи Политано кој успеа жива да фати една чаша со малку пиво, да ја поднасмее публиката и да му ја понуди на судијата. Браво и за камерманот.

Академија Пандев на првиот осминафинален меч од Купот на Македонија го тресна второлигашот Брегалница на гости со 2:6. Ама па видете сега ова. На реваншот дома губи 0:1, коефициент 21. Некој и ја уплатил, ама не знаеме на колку пари. Хмм...