Offside › Набрзинка

Заврши унгарската авантура за Филип Талески

4 јуни 2026

Неполни пет месеци откако го облече дресот на унгарскиот прволигаш Татабања, Филип Талески соопшти дека си заминува.
Искусниот бек замина во Унгарија во јануари годинава и со Татабања стигна до финалето на ЕХФ Европскиот куп каде во неделата беше поразен од Охрид.
Епизодата во Унгарија завршува со крајот на оваа сезона, а засега е непознати каде крушевчанецот би ја продолжил кариерата.

извор

Во Белград ненадејно почина познатиот новинар Един Авдиќ

4 јуни 2026

Веста за смртта на познатиот спортски новинар и колумнист Един Авдиќ го потресе целиот регион. Бројни клубови, спортисти, колеги и навивачи се простуваат од еден од најпрепознатливите спортски гласови и појави на овие простори.
Един Авдиќ е роден на 19-ти јуни 1979-та година во Сараево. Кариерата ја започнал на Федералната телевизија а потоа работеше на ОБН телевизија каде стекна голема популарност како коментатор на НБА лигата. Потоа се пресели на Арена Спорт телевизија каде стана најпрепознатлив кошаркарски новинар и колумнист во регионот и пошироко.
Популарниот Едо беше голем кошаркарски зналец, се прослави со колумните на сајтот Мондо а потоа и со одличните преноси на натпреварите од српската кошаркарска лига, АБА лигата, НБА лигата, Евролигата. Последно го водеше подкастот „Удвојување“ со неговиот колега Милош Јовановиќ како и својата авторска емисија „X&O’s chat“ на телевизија Уна.
Авдиќ долги години водеше емисија и подкаст со својот долгогодишен пријател Ненад Костиќ - Коле. Двајцата составија препознатлив тандем во чии гласови и анализи гледачите уживаа.
Един Авдиќ беше ценет и почитуван од сите. Направи ексклузивни интервјуа со големите кошаркарски ѕвезди а беше и семеен пријател со Никола Јокиќ.
Од Едо се простуваат најголемите од регионов и пошироко.

извор

Во Австралија се штелале натпревари, местенки за кои сега има истрага

3 јуни 2026

Истрага за местење фудбалски натпревари во Австралија открила подлабока корупција во спортот. Фудбалерите Улисес Давила и Метју Милар наводно биле поврзани со организиран криминал а причина за тоа биле нивни лични трагедии и финансиски притисоци.
Во Австралија се ширела и зависноста од коцка кај некои спортисти, а некои натпревари се под лупа особено во младинските лиги.
За 2025-та 68 натпревари во австралискиот фудбал се обележани за сомнителни и тоа е втор најголем број сомнителни натпревари после 90 во Индија. Играчи на клубот Мекартур ФЦ заработиле 227.000 австралиски долари на местење резултати.
Фудбалерот Улисес Давила и други биле уапсени и се соочуваат со драконски законски реперкусии за нивно учество во местење утакмици. Истрагата се проширува.

извор