Offside › Набрзинка

Велковски се запозна со Џерард и започна тренинзи

12 јули 2023

Македонскиот репрезентативен стопер Дарко Велковски ќе се обиде да ја освои довербата на легендарниот Стивен Џерард кој неодамна стана нов тренер на саудискиот клуб Ал Итифак.
Џерард реши да ја прифати богатата понуда и кариерата ја продолжува во Саудиска Арабија. Во клубот веќе играат познатите Витињо и Амин Јунес а наскоро би можеле да им се придружат и Алваро Мората, Садио Мане кој е отпуштен од Баерн Минхен и Фелипе Кутињо.
Во Саудиска Арабија игра уште и Езџан Алиоски кој е член на богатиот Ал Ахли каде дојдоа Роберто Фирмино и Едуар Менди.

31 март 2026

Фудбалската репрезентација на Косово доби половина милион евра од владата поради пласманот во финале во баражот за СП 2026.
За финалниот натпревар се изборија на херојски начин со пресврт од 2:1 на 3:4 против Словачка на гости.
Во случај вечерва од 20:45 да ја совладаат Турција во Приштина и да испишат историја, добија ветување од премиерот Албин Курти за додатни 500.000 евра.

31 март 2026

Селекторот на Македонија, Гоце Седлоски пред мечот против Република Ирска, се осврна на играчите кои се налутија за немањето минутажа против Данска. Бојан Миовски затоа што не беше стартер, а Александар Трајковски бидејќи го преседе дуелот на клупата. И двајцата не се во состав за вечерва.
„Кој не сака да игра за Македонија тој не игра ни за селекторот, ни за играчите, игра за државата, не гледам причина некој да се лути зошто не бил стартер“.
„Во репрезентацијата на никој вратата не му е затворена. На овие два меча се одлучив за оние кои ги играа квалификациите. Разговарав со Стефан Ристовски и Аријан Адеми, вратата за никој не е затворена, но ќе видиме што ќе биде понатаму“.