- Групата „Сотокултура“, една од водечките групи меѓу навивачите на Шалке со официјално соопштение објави дека се збратимува со навивачката група на Борусија Менхенгладбах:
- „Внимателните читатели можеби веќе забележаа: одделот „Пријателства“ стана побогат за уште еден клуб. Контактите со навивачката сцена на Менхенгладбах постојат поточно уште од раните 2000-ти години. Иако таа врска едно време беше прекината, повторно е воспоставена во текот на изминатата деценија“, стои во соопштението во фанзинот на навивачите на Шалке 04 „Blauer Brief“.
- „Согласно на тоа, навивачките клубови на Шалке 04 и Гладбах во последно време сè повеќе се зближуваа. Посебно во текот на неколкуте претходни сезони речиси да немаше натпревар на кој не си пружавме поддршка едни со други. Поедини членови дури преминуваа од еден во друг автобус. Сепак, ние и групата 'Сотокултура' не сакавме да брзаме, туку се правевме постепено“, напишале ултрасите од Гелзенкирхен.
- Ривалитетот со Борусија Дортмунд им е заеднички и на двете групи па оттука и причина плус за нивно поголемо зближување едни со други.
- 33-годишниот Златко Трипиќ кој е роден во Ријека но од '90-те години со неговите се преселил во Норвешка, целата своја кариера ја поминува во Скандинавија, со мали излети во Гројтер Фурт во Германија и Ѓезтепе во Турција.
- Тој е најзаслужен што Викинг влезе во Лига на шампиони затоа што даде гол против Динамо Загреб во плејофот за пласман во елитното друштво и ги исфрли „модрите“ со неколку асистенции во двата натпревари.
- Против Баерн Минхен синоќа намести два гола и го „намести“ Мајкл Олисе да добие црвен картон зошто Французинот испровоциран го удри со топка во лице откако веќе секунда претходно доби прв жолт картон.
- „Трипиќ играше како расипник! Сакаше да победи по секоја цена, наседнавме на неговите провокации и за жал го доби тоа што го сакаше. Дали клубот ќе го казни Олисе? Ќе видиме, ќе разговараме кога ќе се оладат главите“, вели Макс Еберл спортскиот директор на Баерн Минхен.
- А Хари Кејн за Трипиќ рекол „дека е лукав играч кој сака да се влечка по теренот и да троши време“.
- „Така кажал? Супер! И тој е неверојатен во сето тоа и знае колку лукавство е потребно. Успеавме да му влеземе под кожа на Олисе. Кога го исклучија повеќето играчи на Баерн почнаа да ми викаат и да ми пцујат се по список. После сè што се случи не се усудив да влезам во нивната соблекувална да побарам дрес. Сјајно е што таков играч кој еден ден сигурно ќе ја освои Златната топка, се нервира поради дечко од Офтебро и Лингдал“, вели Златко Трипиќ кој се гордее како ги навлекол и провоцирал Баварците.
- Женската фудбалска репрезентација на Македонија до 19 години, го совлада Косово на гости со 3:1 на контролен натпревар.
- Избраничките на селекторот Кирил Изов поведоа со голот на Меланија Грозданова во 5 минута, а на 3 минути пред крајот на првиот дел Олса Мачастена израмни на 1:1.
- На стартот од вториот дел Теона Галабовска и донесе предност на Македонија од 2:1, а конечните 3:1 ги постави Грозданова со погодокот во 89. минута од натпреварот.
