- Навивачката група Сити Парк Бојс остро реагираше на како што го нарекуваат, „таинствено и конспиративно“ отворање на реновираната спортска сала „Градски парк“, обвинувајќи ги градоначалникот на Општина Центар, Горан Герасимовски и општинските власти за сериозни безбедносни пропусти и политичка злоупотреба на деца.
- „Децата беа донесени да бидат декор во тотално небезбедна средина, спортска сала без технички прием, без никаков безбедносен протокол (полиција, итна помош, редари итн). Полна сала деца, а надвор работат мајстори и градежни машини, битно е да се одржи, битно е да се продаде магла.
- Зошто не беа поканети кошаркарите на КК Работнички и целиот стручен штаб, легенди, играчи и тренери кои освојувале титули, како и новинари од спортските редакции и фоторепортери?“, стои во дел од соопштението на навивачите.
- Фудбалот како универзален јазик на пријателството, соработката и инклузијата беше во центарот на настанот „Допри го голот – Фудбал за секое дете“, реализиран од Основното училиште со ресурсен центар „Иднина“, Скопје, со поддршка на ФФМ и УЕФА Фондацијата за деца (UEFA Foundation for Children).
- На настанот учествуваа ученици со типичен и атипичен развој од седум училишта од Скопје, Куманово и Кратово.
- Преку заеднички фудбалски активности, учениците, наставниците и образовните асистенти испратија силна порака за важноста на инклузијата, врсничката поддршка, тимскиот дух и еднаквите можности за секое дете. Ревијалните фудбалски активности беа можност децата да се дружат, да соработуваат и да создаваат нови пријателства, потврдувајќи дека на фудбалскиот терен има место за сите.
- Поддршката за ваквите иницијативи е дел од заложбите на Фудбалската федерација на Македонија за промовирање на социјалната инклузија и создавање можности што ќе му овозможат на секое дете да биде дел од фудбалската игра.
- ФФМ информира дека дека продажбата на билетите за претстојниот натпревар Шкотска – Македонија ќе се одвива исклучиво преку официјалната електронска платформа за продажба на билети на Фудбалската асоцијација на Шкотска.
- За македонските навивачи првично ќе биде отворен секторот А2 на западната трибина, со капацитет од 539 седишта, а доколку има потреба од дополнителен број билети, ќе биде отворен и секторот А3, со дополнителни 860 седишта.
- Натпреварот Шкотска – Македонија ќе се одигра на 13 ноември 2026 година, со почеток во 20:45 часот по македонско време (19:45 часот по локално време), на стадионот „Хемпден парк“ во Глазгов.
