Offside › Набрзинка

Работнички: Нашиот клуб не е вклучен во задкулисни игри на пријателската против Охрид

23 јануари 2026

ФК Работнички се огласи за скандалот околу наводна можна местенка на пријателскиот натпревар против Охрид кој го добија со 8:2.
Клубот ја информира јавноста дека на било каков начин не е вклучен во инсинуациите и можните обиди за задкулисни игри околу резултатот на пријателскиот натпревар против Охрид Лихнидос.
Стоиме на располагање на Фудбалската федерација на Македонија за било каква помош и соработка“, стои во соопштението на клубот од Дебар Маало.

23 јануари 2026

Скандал го тресе македонскиот фудбал, откако челниците на Фудбалската федерација на Македонија добиле пријава за можна местенка на вчерашниот пријателски натпревар помеѓу Работнички и Охрид (8-2).
Индициите биле дека охриѓани намерно примале голови со цел да се исполнат одредени услови за игрите на голови во светските обложалници.
Неофицијално, на овој пријателски меч биле свртени 70.000 евра. Сведоци кои го следеле мечот потврдуваат дека охридските фудбалери буквално стоеле за да примат голови.

22 јануари 2026

Четворица спортисти со исполнета олимписка норма ќе ја претставуваат Македонија на Зимските Олимписки игри 2026, кои ќе се одржат во Кортина д’Ампецо и Милано во периодот од 6 до 22 февруари.
Во нордиско скијање ќе имаме претставници во спринт и во трката на 10 километри со интервален старт. Во женска конкуренција ќе настапи Ана Цветановска, а кај мажите Ставре Јада. Во алпско скијање, македонските бои ќе ги бранат Јана Атанасовска и Мирко Лазаревски, кои ќе настапат во слалом и велеслалом.
Од Македонски олимписки комитет потврдија дека целиот тим е подготвен за олимпискиот предизвик и дека очекувањата се насочени кон достојни настапи и собирање драгоцено искуство на најголемата светска спортска сцена.