Јапонскиот производител на луксузни тоалети Ликсил ги предупреди своите клиенти дека кај нивните производи е откриена "безбедносна дупка" која може да биде искористена за "хакерски" напад, поточно мајтап.
За цена од 4.000 до 5.700 долари (во зависност од моделот и вградените опции), Jапонците продаваат веце шољи кои го максимизираат уживањето во таа камерна ситуација. Шољата е високо автоматизирана, со можност за подесување на саканата температура на даската и водата од биде млазевите, пуштање мирис, музика и ред други попатни активности (не, нема стрипче за читање).
А кога шољата е паметна, најдобро со управува со паметен телефон. Поточно апликацијата "My Satis" со која ја преземате командата над вашиот интимен Енетрпрајз па можете од телефонот да изигрувате диџеј и да се зезате со другите опции.
Но, тука е и проблемот. Апликацијата и шољата се поврзуваат преку блутут со пин фабрички впечен на 0000, што значи дека секој во ваша близина може да ја симне апликацијата и во најнезгоден момент да ве изремети со ненадејно пуштање вода, млаз или одбирање песна за која знае дека ви предизвикува запек.
Фина опција во оваа апликација е можноста за водење редовни белешки за вашиот веце учинок. Луѓето веруваат дека водењето сметка за квалитетот и квантитетот на она што го оставате зад себе може многу да ви каже за состојата во вашиот организам.
Со мали модификација, истава опција може да се користи и како Гугл аналитикс за веб сајтот на смрадов:
