- Специјалните претставници на претседателите Доналд Трамп и Владимир Путин тајно работат на нов план за крај на војната во Украина и за поширока безбедност во Европа.
- Планот содржи 28 точки, поделени во четири категории: мир во Украина, безбедносни гаранции, безбедност во Европа и идни односи на САД со Русија и Украина.
- Американскиот специјален претставник Стив Виткоф и рускиот Кирил Дмитриев при крајот на октомври три дена разговарале во Мајами на усогласување на одредбите. Виткоф потоа, исто така во Мајами, разговарал за планот и со Рустем Умеров, советник за национална безбедност на украинскиот претседател Зеленски.
- Дмитриев изјавил за „Аксиос“ дека основата на новиот план биле принципите со кои се согласиле претседателите Доналд Трамп и Владимир Путин на самитот во Алјаска во август – да завршат борбите во Украина, да се обноват врските на САД и Русија и да се решат безбедносните загрижености на Москва. Кога ќе биде усогласен во писмен документ, планот ќе биде основа за нов самит на Трамп и Путин.
- „Всушност, станува збор за многу поширока рамка, како навистина конечно да донесеме трајна безбедност во Европа, не само во Украина“, изјави Дмитриев.
- Кина обезбедува клучна поддршка за руската агресија во Украина и би можела да ја заврши војната со еден телефонски повик, изјави американскиот амбасадор во НАТО.
- „Пекинг би можел да му се јави на Владимир Путин и да ја заврши оваа војна утре, ако го прекине доставувањето технологии со двојна намена. Би можела и да престане да купува руска нафта и гас“, изјави амбасадорот Метју Витакер.
- Русија се потпира на Кина за набавка за критични делови и компоненти за беспилотни летала и друга воена опрема. Откако Европа воведе санкции за Москва, Кина стана и најголем увозник на руска нафта.
- Во јануари во кинеските пристаништа просечно пристигнувале по 1,65 милиони барели руска сурова нафта. Тоа е најмногу од март 2024 година и второ највисоко количество по инвазијата врз Украина пред четири години.
- Кинеското Министерство за надворешни работи ги отфрли како „целосно неосновани“ обвинувањата дека ги поддржува воените напори на Русија.
- Почина театарската, филмска и телевизиска глумица Ленче Делова, соопшти Драмски театар, нејзината матична куќа. Имаше 77 години.
- Нејзиниот талент, сценска присутност и човечка топлина оставија неизбришлива трага на сцената и во срцата на публиката. Со секоја улога таа внесуваше искреност, емоција и посветеност, градејќи ликови кои долго ќе се паметат. Нејзината насмевка и ведриот дух беа светлина зад сцената, а нејзината професионалност пример за генерации актери, напишаа колегите.
- Делова играла во 60-тина претстави во Драмски театар, а глумеше и во над 30 филмови.
