- Белорускиот ракометен гигант Мешков Брест соопшти дека на само 51 година во Брест, починал Едуард Кокшаров.
- Руската ракометна легенда во 2016 година се пресели во Македонија, каде што долги години беше спортски директор на Вардар, а во одредени периоди ги предводеше и машката и женската екипа како главен тренер.
- За време на неговиот ангажман како спортски директор, машкиот тим на Вардар два пати ја освои Лигата на шампиони, четири пати беше шампион на Македонија и три пати го освои националниот куп. Женскиот тим, пак, двапати играше финале во ЛШ и освои по две титули во домашното првенство и куп.
- Кокшаров со Русија има златен медал на Олимписките игри во 2000 година, како и бронза во 2004. На Светските првенства има злато 1997 и сребро 1999, а на ЕП сребрен медал во 2000 година. Тој е и единствениот ракометар кој постигнал повеќе од 1.000 голови за руската репрезентација.
- Од септември 2024-та година до сега Кина доживотно суспендирала 116 лица од фудбалот поради разни основи: од местење натпревари до коцка.
- Кинеската фудбалска федерација во четвртокот соопшти дека како дел од голем корупциски скандал во еден од најпопуларните спортови во земјата на 17 лица им е изречена доживотна забрана за каква било функција во фудбалот во оваа земја.
- Меѓу суспендираните со доживотни казни е и поранешниот прв човек на Кинеската фудбалска федерација Чен Жујуан.
- Навивачите на Шкендија пред натпреварот од финалето на Купот на Македонија ја исвиркаа македонската химна за време на интонирањето, извадија покривно знаме на кое алудираа на некаква поврзаност на ФФМ со ФК Вардар, скандираа погрдни националистички извици и што уште не...
- Играчите на Шкендија наместо достоинствено да го признаат поразот од 1-0 од Силекс, да му честитаат на ривалот, да подадат рака на противникот како сиот нормален свет, тие не дојдоа ниту на доделување медали, стоеа пред нивните навивачи кои од нив бараа да ги соблечат дресовите.
- Однесување далеку од некаков евро-претставник на земјава кој од сезона во сезона, од година во година покажува целосна непочит кон земјата од која им овозможува пат во еврокуповите.
- Според правилникот на ФФМ, Шкендија треба да биде драконски казнета парично, со суспензија и со одземање на бодови за бројните инциденти во финалето на Купот на Македонија. На потег е Фудбалската федерација на Македонија.
- Во соопштение од Шкендија Тетово доцна синоќа известија дека тие немале намера да го избегнат доделувањето на медали, дека фудбалерите отишле кај нивните навивачи да им се заблагодарат за поддршката и да им се извинат за разочарувањето. Престојот пред навивачите се оддолжил па затоа потраел подолго и не дошле по медалите.
