Offside › Набрзинка

Милојевиќ: „Благодарност до сите добри луѓе и народот на Македонија“

17 април 2025

Вардар и Црвена звезда после долги години покажаа дека се симболи кои можат да соберат и обединат многу народ. Синоќа на арената „Тодор Проески“ во Скопје одиграа пријателска средба. Имаше над 20.000 гледачи а собраните средства од влезници одат на сметка на семејствата на настраданите од пожарот во Кочани.
Црвено-белите победија 1:3 а после мечот пред новинарите се појави тренерот на Црвена звезда Владан Милојевиќ.
„Го знаеме поводот за одигрување на средбата. Би сакал да им изразам сочувство на семејствата на настраданите во стравичната трагедија и такво нешто веќе никогаш да не се случи. Би му се заблагодарил на нашиот клуб кој на предлог на великаните Панчев и Илија Најдоски прифати да одигра меч со Вардар. После 30 години Звезда дојде на преубав стадион кој носи име по еден од моите најдраги пејачи Проески.
Чувствувавме многу емоции. Би се заблагодарил на добрите луѓе и народот на Македонија, пред се на навивачите на Вардар кои го бодреа клубот. За сите кои навиваат за Црвена звезда мислам дека беше убава фудбалска претстава. Се надевам дека следен пат ќе одиграме натпревар по друг повод“.

Легендите на Вардар и Црвена Ѕвезда продефилираа на Градски

Најемотивната минута молк на Градски

Головите од мечот на Градски на кој победи хуманоста

извор

Зидан на чекор од враќање

15 декември 2025

Фабрицио Роман пишува дека легендарниот француски фудбалер и тренер Зинедин Зидан, е на прагот да се врати на тренерска клупа но не во клупски фудбал туку во репрезентативен.
Наводно Зидан постигнал договор да ја преземе Франција и се чека само прав момент за тоа. Зизу, некогаш најдобар светски фудбалер остави голема трага како играч но и како тренер на Реал Мадрид кому му донесе многу трофеи во Лига на шампиони, Ла Лига, Суперкуп УЕФА, Копа дел Реј итн, одамна е прв фаворит за наследник на Дидие Дешан. Францускиот фудбалски сојуз го гледа Зидан како природен избор за новиот циклус на националниот тим на Франција.
Зидан од збогувањето со Реал Мадрид во 2021-ва е без ангажман, одбил бројни понуди и трпеливо го чека повикот кој го смета за идеално продолжување на кариерата.

извор

Лоши вести: Македонија нема да има директен учесник ниту во проширена Лига на шампиони

15 декември 2025

На состанок на Извршниот одбор на ЕХФ во Ротердам членовите го потврдиле истото она што подолго време се најавуваше: во новата сезона 2026/2027 ракометната Лига на шампиони ќе има 26 клубови наместо досегашните 18.
Но и во таква констелација македонскиот ракомет нема да добие ниту еден директен учесник туку ќе аплицира за вајлд-карта за учество во новата сезона.
Федерациите рангирани од 1 до 10 имаат едно фиксно место во ЛШ. За следната сезона овие федерации се Германија, Шпанија, Франција, Данска, Полска, Унгарија, Романија, Португалија, Хрватска и Норвешка. Тоа значи дека Македонија нема да има место за директен пласман во Лигата на шампионите, туку шампионот шанса ќе бара преку „вајлд-карта“.
Секоја од овие десет најдобри федерации има право да побара до две дополнителни „вајлд-карти“, а ЕХФ ќе може да додели најмногу осум. Бројот на тимови по федерација е ограничен на максимум три.
24-те екипи ќе бидат поделени во шест групи по четири екипи, од кои 12 ќе се пласираат во главната рунда, а останатите 12 продолжуваат во 1/16 финалето од Европската лига. Ждрепката за групите ќе се одржи на 26 јуни во Виена.
„ЕХФ го задржува правото за доделување вајлд-карта, вклучувајки и не-европски тим“.

извор