Offside › Набрзинка

Македонските херои кои го освоија „монструмот“ на Хималаите

25 октомври 2021

Ирина Дишовска и Лазо Миновски во саботата наутро успеаја да го освојат врвот Амам Даблам, кој се наоѓа на Хималаите, планината која важи за најголем предизвик за сите планинари.
Станува збор за врв висок 6.812 метри, кој важи за еден од најтешките во светот поради што меѓу аплинистите е познат како „монструмот од Хималаите“.
„Не можам да ги опишам емоциите што ги имав кога го допрев врвот на Амам Даблам. Имаше и солзи. Заборавив и на студеното време и на заморот“, напиша Миновски.
„Ова е исполнување на сонот. Стартував на полноќ и го дадов последниот атом енергија во себе за да се изборам со овој монструм. Амам Даблам е многу повеќе од 'хималајски врв' - тоа е ретко виден монструм“, рече Дишовска.

извор

Арсенал се раздели со Јапонецот Томијасу

4 јули 2025

Во спогодбен раскин на договорот, двете страни се договориле дека најдобро за сите е Такехиро Томијасу да замине од клубот како слободен агент.
Јапонскиот одбранбен фудбалер кој игра како десен бек и како стопер мака мачеше со тешки повреди поради кои минатата сезона одигра само шест минути фудбал.
По доаѓањето од Болоња во 2021-ва Томијасу запиша 84 настапи за Арсенал и имаше уште една година од договорот но „топџиите“ решиле да го раскинат истиот.
Тој нема да игра ни долго сезонава поради тоа што закрепнува по тешка повреда.

извор

На Галичица одржан семинар за планинско спасување

3 јули 2025

Изминатиот викенд, на неколку локации во Национален парк Галичица се одржал едукативен собир за планинско спасување на кој учествувале претставници на организациите членки на Националниот сојуз за планинско спасување.
Се усогласувале стандардите за имобилизација и превоз на повредени лица од нетехнички планински терени во согласност со препораките од Меѓународната комисија за алпско спасување (ICAR).
Домаќин на настанот бил Алпинистичкиот клуб Патагонија Охрид во соработка со охридската Планинска спасителна служба при Црвен крст Охрид.
Направени се големи чекори кон унапредување на планинското спасување но се уште е отворено прашањето за институционална поддршка од страна на државата. Интензивно се работи за изнаоѓање решение за конечно воспоставување функционална и ефикасна Планинска спасителна служба на национално ниво.
На 2-ри јуни гостин на алпинистичкиот клуб Патагонија бил и министерот за спорт Борко Ристовски.

извор