Offside › Набрзинка

Македонските херои кои го освоија „монструмот“ на Хималаите

25 октомври 2021

Ирина Дишовска и Лазо Миновски во саботата наутро успеаја да го освојат врвот Амам Даблам, кој се наоѓа на Хималаите, планината која важи за најголем предизвик за сите планинари.
Станува збор за врв висок 6.812 метри, кој важи за еден од најтешките во светот поради што меѓу аплинистите е познат како „монструмот од Хималаите“.
„Не можам да ги опишам емоциите што ги имав кога го допрев врвот на Амам Даблам. Имаше и солзи. Заборавив и на студеното време и на заморот“, напиша Миновски.
„Ова е исполнување на сонот. Стартував на полноќ и го дадов последниот атом енергија во себе за да се изборам со овој монструм. Амам Даблам е многу повеќе од 'хималајски врв' - тоа е ретко виден монструм“, рече Дишовска.

извор

„КК Работнички: Ни должат осум плати и нè лажат, не креваат телефон, оставени сме сами!“

25 февруари 2026

Кошаркарите и стручниот штаб на најтрофејниот спортски колектив во земјава КК Работнички конечно отворија душа и преку заеднички потпишано соопштение на јавноста и кажаа како стојат работите во паднатиот гигант кој од година во година крпи крај со крај.
„Тимот функционира во недостоинствени услови, без основна опрема, без елементарна логистика и со постојана неизвесност околу најосновните организациски прашања. На патувања сме оставени сами на себе, без сигурен превоз, па често навивачите ги покриваат овие трошоци. Ова е срам за клуб со ваква историја и реноме.
Дополнителен врв на непочитување е фактот што ниту играчите, ниту стручниот штаб не беа поканети на официјалното отворање на реновираната сала — нашата „куќа“. Овој чин јасно покажува колку малку се ценат луѓето кои секојдневно се борат за грбот и угледот на клубот.
Јавно констатираме дека ветувањата дадени од градоначалникот не се исполнети, всушност, слободно можеме да кажеме дека тој неколку пати не излажа, а спортскиот директор со недели не одговара на телефонските повици и пораките, со што практично ја прекина секоја форма на комуникација со тимот. Ваквиот однос го сметаме за неодговорен и недозволив“.

извор

Истрагата од УЕФА носи ризик за Шкендија и главниот спонзор Еколог?

25 февруари 2026

По обелоденувањето на документите од истрагата за сомнителни натпревари во Првата македонска фудбалска лига, целиот случај добива поширока димензија и свој заплет.
Освен сопственикот на Башкими, Бурак Хида, во фокусот на јавноста се најде и претседателот на Шкендија, Љуљзим Имери, поради тоа што натпреварот меѓу двата клуба е дел од предметот што се разгледува од страна на највисокото фудбалско тело во Европа.
Документите упатуваат на одредени релации и финансиски активности поврзани со лица од странство, кои се доведуваат во контекст со обложувања во периодот кога се одиграле спорните средби.
Во вакви околности, штетата не е само правна или спортска. Потенцијалните последици можат да бидат и финансиски и репутациски, особено за Шкендија. Секое доведување на клубот во контекст на истрага за интегритет на натпреварување може директно да се одрази врз неговиот бренд и врз односот со главниот спонзор, Еколог.

извор